Daniel 9:22 - The Holy Bible In Alur (Lur) Revised Orthography

²² E eponja, man waweco wakude, ewacu kumae, E Daniel, awok woko kawono kara ami iri rieko ku ng’eyothelembe.

Daniel 9:22 ပူးပေါင်းရင်းမြစ်များ

Daniel 10:11

Man ewacu ira kumae, E Daniel, in i ng’atu ma jumaru dit, dong’ ing’ei lembe m’ayero iri, man icung atira; kum juora i beng’i kawono. Man kan eyero lembe maeni ira, acungo ma kuma bemiel.

Daniel 10:12

Elund ewacu ira kumae, Lworo kud unegi, Daniel; kum ugambre i ceng’ ma kwong’a m’iketho ie adundeni kara ing’ei, man kara ijwigri giri i wang’ Mungu peri, lembe peri winjre: man abino kum lembe peri.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 10:21

Ento abiyero iri maeno m’ukieure i lembagora mi lemandha: man ng’atu moko mbe m’ubedo ku tegocwiny karacelo kuda kum ju maeni ndhu Mikael ma jaditmawijo mu.

Daniel 7:16

Acoro ceng’ni ng’atu acel m’i kind ju m’ucungo ceng’ni, man apenje pi lemandha mi maeni ceke. Ka kumeno eyero ira, man eketho ang’eyo thelembe mi ginduni.

Daniel 8:16

E awinjo dwand dhanu i kind ng’et kulo Ulai, m’ulwong’o, m’uwacu kumae, Gabriel, keth ng’atu maeni ung’ei ginmawokiwang’.

Amos 3:7

Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.

Zekaria 1:14

Ka kumeno malaika ma waweco wakude wacu ira kumae, Koki, wac kumae, Yehova mir udul uwacu kumae: Ngiri nega kum Yerusalem man kum Sayuni ku ngiri ma dit.

Zekaria 1:9

Alund awacu kumae, E rwoth para, maeni ang’o? Man malaika m’uweco kuda wacu ira kumae, Abinyutho iri nia maeni ang’o.

Lembanyutha 4:1

Yo ng’ei gin maeni aneno, man nen, dhugola yabre i polo, e dwal ma kwong’a m’awinjo, dwalne calu mir agwara m’ubeweco kuda, acel m’ubewacu kumae, Idh malu kue, man abinyutho iri gin ma bikotimbre be macen.