Daniel 9:21 - The Holy Bible In Alur (Lur) Revised Orthography

²¹ eyo, kinde m’abeweco i rwo, ng’atu ma Gabriel, m’aneno ku kwong’a i ginmawokiwang’, ma juketho eringo pio, emulo kuma calu nindo mi lam mir uthieno.

Daniel 9:21 ပူးပေါင်းရင်းမြစ်များ

1 Ubimo 18:29

Man ebedo kumeno, kinde ma dieceng’ ma ling’ ukadhu, nia giewo lembe cil i nindo mi thiero girathiera mir uthieno; ento kadok dwal de mbe, kadi ng’atu moko m’ulok lembe de, kadi ng’atu moko mbe m’unen bang’gi.

1 Ubimo 18:36

Man etimbre i nindo mi thiero girathiera mir uthieno, nia Elia ma jabila bino ceng’ni, man ewacu kumae, E Yehova, Mungu pa Ibrahim, pa Isak, man pa Israel wek jung’ei i ceng’ maeni nia in i Mungu i kind Israel, man nia an a jatic peri, man nia atimo gin maeni ceke kum lembe peri.

Zaburi 103:20

Wumi mugisa ni Yehova, wu malaika pare, Wun ma wu tek i tego, ma wutimo lembe pare kakare, Ma wubewinjo badwal mi lembe pare.

Zaburi 104:4

M’etimo yamu ni jukwenda pare; Lebmac ni jutim pare;

Zaburi 141:2

Wek rwo para idh i weng’i calu udok ma ng’wice ng’ar: Ting’ocing’ para de calu lam mir uthieno,

Ai 29:39

Ithier nyathi rombo acel kugweno; man ithier nyathi rombo mucelo uthieno:

Isaya 6:2

Juserafi cungo malu i wie: kubang’gi kubang’gi bombgi abusiel abusiel; eumo wang’e ku bombe ario, eumo tiende ku bombe ario de, man eringo ku bombe ario.

Ezekiel 1:11

Man wang’gi ku bombgi tung’ tung’ ku malu; bombgi ario kubang’gi kubang’gi uribri kum wadi, man ario umo kumgi.

Ezekiel 1:14

Man gin ma kwone giringo gi dwogo de calu nen mi lukoth.

Ezekiel 14:14

kadok dhanu adek maeni, Noa ku Daniel, man Yob, gini i ie, gibibodho ng’eyong’ec migi gigi kende ku bedopwe migi, Rwoth Yehova wacu.

Daniel 10:10

Man, nen, cing’ umulo kuma, m’uketha wi conga, man wi uthen cinga.

Daniel 10:16

Man, nen, ng’atu acel ma calu wod dhanu emulo dendhoga: e alund aalu dhoga, man ayero awacu ni ng’atu m’ucungo i wang’a kumae, E rwoth para, ni kum ginmawokiwang’ can para dwog i wia, man tego dong’ umbe kuda.

Daniel 10:18

Ng’atu acel ma calu ayi dhanu lund umulo kuma kendo, e emio ira tego.

Daniel 8:16

E awinjo dwand dhanu i kind ng’et kulo Ulai, m’ulwong’o, m’uwacu kumae, Gabriel, keth ng’atu maeni ung’ei ginmawokiwang’.

Daniel 8:18

Nie ka wabeweco wakude, nindo ma pek umaka ma wang’a ni yo ba ng’om; ento emulo kuma, man eketho acungo.

Matayo 27:46

Ceng’ni saa mir abung’wende Yesu kok ku dwande ma tek, ewacu kumae, Eli, Eli, lama sabakithani? thelembene kumae, Munguna, Munguna, ikuna nedi

Luka 1:19

Malaika dwoko lembe ewacu ire kumae, An a Gabriel, ma cungo i wang’ Mungu; man juora niyero iri, nikelo iri rwonglembe maeni de.

Luka 1:26

Nie i dwi mir abusiende juoro malaika Gabriel uai ba Mungu ucidho i adhura mi Galilaya, ma nyinge Nazareti,

Tic Mi Jukwenda 10:3

Eneno ku ginmawokiwang’ngbeng’, nwang’u ene calu saa mir abung’wen mi ceng’, malaika pa Mungu bino i bang’e, ewacu ire kumae, Kornelio.

Tic Mi Jukwenda 10:9

Nie urwone, ka gibecidho i woth migi, man gidhingo adhura de, Petro idho malu i ot nirwo, calu saa mir abusiende:

Tic Mi Jukwenda 12:7

Man nen, malaika pa Rwoth ucungo i vute, der de caru i kusika: man epadu Petro i ng’ete, ecewe ko, ewacu kumae, Ai malu pio. E nyoro gony lwany kum cinge.

Tic Mi Jukwenda 3:1

Nie Petro giku Yohana gibeidho malu i hekalu i saa mi rwo, ma en e saa mir abung’wende.

Juebrania 1:14

Gin ceke gi tipo mi timotim ungo, ma juorogi ya gitim tic pi ju ma bicamu pacu mi bothi?

Juebrania 1:7

Man pi malaika ewacu kumae, M’etimo malaika pare gidoko yamu, Man jutim pare ni lebmac;

Lembanyutha 9:17

Man aneno riuni kumeno ku ginmawokiwang’, ku ju m’ubedo i wigi, ma gi weg asikor ma calu mi mac ku mi kidi ma col ku mi muganga: man wi riuni de calu wi umvor; man mac ku yiro ku muganga ubethwogre woko kud i dhoggi.