Daniel 9:20 - The Holy Bible In Alur (Lur) Revised Orthography

²⁰ Man kinde m’abeweco, man aberwo, abetuco dubo para ku dubo mi juthuwa Israel, ku wodho kwac para i wang’ Yehova Mungu para pi got ma leng’ pa Mungu para;

Daniel 9:20 ပူးပေါင်းရင်းမြစ်များ

Ezra 10:1

Nie ka Ezra berwo etuco de, m’eywak m’eredhre piny de i wang’ot pa Mungu, udul ma dit apila ucokri i bang’e kud i Israel mi co ku mon ku nyithindho; kum dhanune ywak dit.

Nehemia 1:6

kawono wek ithi bed acika, weng’i de ayaba, kara iwinj rwo pa jatic peri, m’arwo i weng’i i nindo maeni, dieceng’ ku diewor, pi nyithindho mir Israel ma jutic peri, kinde m’atuco dubo mi nyithindho mir Israel, ma wadubo iri. Eyo, an ku ot pa vwa wadubo:

Zaburi 145:18

Yehova ni ceng’ni dhanu ceke m’ulwong’e. Ni dhanu ceke m’ulwong’e i lemandha.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Eklizia 7:20

Andha ng’atu ma pwe mbe i ng’om, ma timo ber, ma dubo de ngo.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Isaya 58:9

Ibilund lwong’o, e Yehova biloko lembe; ibiywak, e ebiwacu kumae, Anuti. Tek ikabu mberembere cen kud i kindi, ku rieyo lwet, man yero rac;

Isaya 6:5

Alund awacu kumae, Can i wia! kum athum; kum an a dhanu mi dendhok m’ucido, man abedo i kind dhanu mi dendhok m’ucido: kum wang’a neno Ubimo, Yehova mir udul.

Isaya 65:24

Man ebitimbre nia, ma fodi gilwong’o ngo, abiloko lembe; man kinde ma fodi gibeweco, abiwinjo.

Daniel 10:12

Elund ewacu ira kumae, Lworo kud unegi, Daniel; kum ugambre i ceng’ ma kwong’a m’iketho ie adundeni kara ing’ei, man kara ijwigri giri i wang’ Mungu peri, lembe peri winjre: man abino kum lembe peri.

Daniel 10:2

I ceng’ maeca, an a Daniel, aywak yenga adek bo.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 9:16

E Rwoth, calku bedopwe peri ceke, akwei, dong’ iwek ng’ecwiny peri ku kwinyo peri lokre woko ku kum adhura peri Yerusalem, got peri ma leng’; kum ni kum dubo mwa, man ni kum dubo pa wegwa, Yerusalem ku dhanu peri gidoko ni cac ni dhanu ceke m’utiekowa gbur.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

Tic Mi Jukwenda 4:31

E ka gidaru rwo ka ma gicoko ie dhoggi karacelo yengre; e kagi ceke Tipo Maleng’ uromogi, man giyero lem pa Mungu ku tegocwiny.

Jurumi 3:23

kum kawa ceke wadubo warem ni dwong’ pa Mungu;

Yakobo 3:2

Kum i gin dupa wan ceke wakier. Tek ng’atu moko kier ungo i lembe, meca ng’atuca en e ng’atu ma bedo ndhu cu, m’ecopo twinyo kum ceke bende.

Lembanyutha 21:10

Man eyeya i Tipo ba got ma dit ma wiu, man enyutho ira adhura ma leng’ Yerusalem, m’uai i polo ba Mungu ubeloro piny,

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.