Daniel 9:16 - The Holy Bible In Alur (Lur) Revised Orthography

¹⁶ E Rwoth, calku bedopwe peri ceke, akwei, dong’ iwek ng’ecwiny peri ku kwinyo peri lokre woko ku kum adhura peri Yerusalem, got peri ma leng’; kum ni kum dubo mwa, man ni kum dubo pa wegwa, Yerusalem ku dhanu peri gidoko ni cac ni dhanu ceke m’utiekowa gbur.

Daniel 9:16 ပူးပေါင်းရင်းမြစ်များ

Nehemia 9:8

e inwang’u adundene mandha i weng’i, man itimo lembariba kude ya imi ng’om pa Jakanani, ku Jahiti, man Jaamori, ku Japerizi, man Jayebusi, ku Jagirgaci, ya imie ni kodhi pare, e itimo lembe peri kakare; kum in i pwe.

Zaburi 143:1

Winj rwo para, E Yehova; leng’ ithi ba kwac para: Lok ira lembe i bedo mandha peri, man i bedopwe peri.

Zaburi 31:1

Apondo i beng’i, E Yehova; Kud iwek junyai lewic i wia ki: Bodha ni kum bedopwe peri.

Zaburi 41:13

Mugisa bed ni Yehova, Mungu mir Israel, Ugambre rondo ku rondo cil rondo ku rondo. Amen, man amen.

Zaburi 71:2

Bodha ni kum bedopwe peri, man ilara: Leng’ ithi i bang’a, man ibodha.

Zaburi 79:4

Wadoko ni cac ni judhugola mwa, Cac ku ng’iero ni ju m’utiekowa.

Zaburi 85:4

Lokwa, E Mungu mi both mwa, Man keth ng’ecwiny peri ma yor i bang’wa thum.

Zaburi 89:51

Ma judegi peri gicayu kudo, E Yehova, Ma gicayu kudo dakutielo pa ng’atu m’iwiro peri.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Isaya 5:25

Ka kumeno ng’ecwiny pa Yehova opo kum dhanu pare, man erieyo cinge i kumgi, man egoyogi; e gudi yengre, man avujgi bedo calu susu i die gengi. Kadok maeni ceke timbre ng’ecwiny pare lokre cen ungo, ento cinge bedo arieya asu.

Yeremia 24:9

abimiogi kara juthorgi kun ku kun i kind thek ceke m’i ng’om mi lem ma rac; kara gibed mi cac man koi, mi lele man kwong’, i ka ceke m’ariemogi i ie.

Yeremia 29:18

Man abilubo tokgi ku palamularu, man ku ndru, man ku thong’om, e abimiogi kara juthorgi kun ku kun i kind thek ceke m’i ng’om, kara gibed m kwong’, man wang’uic man cac, kud acidi, i kind thek ceke m’ariemogi i ie;

Yeremia 32:31

Kum adhura maeni bedo ira ni gin ma nyayu ng’ecwiny para man kwinyo para gambre i ceng’ ma gigome cil i ceng’ ma tin; kara akabe kud i nyim wang’a,

Yeremia 32:32

kum ma rac ceke mi nyithindho mir Israel man mi nyithindho pa Yuda, ma gitimo kara ginyai ko ng’ecwiny i ia, gin, kud ubimo migi, man judongomawijo migi, ku julam migi, man jubila migi, ku dhanu mi Yuda, man ju m’ubedo i Yerusalem.

Ezekiel 22:4

Idoko ma lembe ni i wii ni kum rimo m’icwiro, man icido ni kum mungu m’araga peri m’itimo; man iketho ceng’ peri ucoro ceng’ni man itundo cil kum rundi peri: ka kumeno adwoki ni cac ni thek, man ni lele ni ng’om ceke.

Ezekiel 5:14

Mange ke abidwoki ni uvuru man ni cac kind thek m’utieki gbur, i wang’ dhanu ceke m’ukadhu akadha.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 9:20

Man kinde m’abeweco, man aberwo, abetuco dubo para ku dubo mi juthuwa Israel, ku wodho kwac para i wang’ Yehova Mungu para pi got ma leng’ pa Mungu para;

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

2 Jutesaloniki 1:6

tek ebedo kumeno ya en e gin ma pwe ni Mungu y a ecul ruvwa ni ju m’unyayu ruvwa i kumwu,

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.

1 Samwil 2:7

Yehova nyayu can, man elonyo: Ejwigo, man eting’o bende.