Daniel 8:7 - The Holy Bible In Alur (Lur) Revised Orthography

⁷ E aneno ecoro ceng’ni nyog rombone, e ng’ecwiny unege i kume, e egudo nyog rombone, man eturo tunge ario; man tego mbe i nyog rombone m’ecung ko i wang’e; ento eredhe i ng’om, man enyone; e moko mbe ma copo bodho nyog rombone kud i cinge.

Daniel 8:7 ပူးပေါင်းရင်းမြစ်များ

Daniel 11:11

E ubimo ma yor ariwa ma piny ng’ecwiny bimake, man ebiwok woko e gibikiedo gikude, en e kud ubimo ma yor ariwa ma malu; man ebiwodho udul ma dit, man udulne bimire i cinge.

Daniel 7:12

Man pi dong’ yedi m’udong’, bimobim migi jukabu woko: ento nindo mi bedo migi jumedo mi oro man nindo.

Daniel 7:7

Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Daniel 8:10

Man edoko dit, cil kum udul m’i polo; man ebolo moko mi kind udul man mi cero i ng’om, man enyonogi.

Daniel 8:6

Man ebino ba nyog rombo ma tunge ario, m’aneno cungo nyim kulo, man eringo i bang’e ku kwinyo mi tego pare.

Daniel 8:8

E nyog dielne yungre gire apila: man kan edoko tek, tunge ma dit utur; man tunge ang’wen ma pigi tek utwi kakagi yo ba the yamu ang’wen mi polo.

Lembe Mi Julawi 26:37

Man gibipodho man wi wadi man wi wadi, calu i wang’ palamularu, kinde ma ng’atu moko lubo tokgi ngo: e tego mu bibedo mbe ma wucung ko i wang’ judegiwu.

Yocuwa 8:20

E kinde ma dhanu mi Ai gineno i ng’eigi, gineno, man, nen, yiro mir adhurane winjre malu i polo, e tego migi mbe ma giring ko yo ku kadi yo ku: man dhanu ma giringo i yamba gilokri i kum ju m’ulubo tokgi.