Daniel 8:3 - The Holy Bible In Alur (Lur) Revised Orthography

³ Alund ating’o wang’a malu, man aneno, man, nen, nyog rombo ma tunge ario ucungo nyim kulo: man tunge ario gi boco; ento acel bor ma sagu wagi, man ma bor ma sagu idho ma cen.

Daniel 8:3 ပူးပေါင်းရင်းမြစ်များ

I Lemkei 21:16

E Daudi ting’o wang’e malu, man eneno malaika pa Yehova cungo i kind ng’om ku polo, m’ebedo ku palamularu m’arieya i cinge wi Yerusalem. Daudi ku judongo, ma gironyo gonia, gilund gipodho arieba wang’gi.

Ezra 1:2

Kuro m’ubimo mir Ajemi wacu kumae, Yehova, Mungu m’i polo, mio ira ker ceke m’i ng’om; man eng’olo ira ya agom ire ot i Yerusalem, ma ni i Yuda.

Ezra 4:5

man gilonyo juporlembe i kumgi, kara girany lembe ma igi keco, i nindo ceke pa Kuro m’ubimo mir Ajemi, cil i nindo mi camuker pa Dario m’ubimo mir Ajemi.

Ester 1:3

i oro mir adege mi camuker pare, etimo agba ni judongomawijo pare ceke ku jutic pare de; tego mir Ajemi ku Medi, dhanu ma weg dwong’ ku judongomawijo mi ng’etker, gini i wang’e;

Isaya 13:17

Nen, abithubo Jumedi i kumgi, ma biparu pi mola ma tar ungo, man anyong’a binegogi ngo kum mola ma kwar.

Isaya 21:2

Juyero ira pi ginmawokiwang’ ma rac; ng’atu ma won abombi timo kud abombi, man janyoth unyotho. Idh malu, E Elam; tiek kud ali, E Media; ajigo gamucwinyne ceke.

Isaya 44:28

m’abiwacu pi Kuro kumae, En e jakwac para, man ebitimo gin ceke m’amaru, m’ebiwacu cil pi Yerusalem kumae, Jubigome; man pir hekalu kumae, Jubiketho theri.

Yeremia 51:11

Pak athero, mak ban ki: Yehova thubo cwiny ju m’ubimo mi Jumedi; kum lembakeca pare en e kum Babeli, kara unyothe: kum en e culokwor pa Yehova, culokwor mi hekalu pare.

Daniel 10:5

Ating’o wang’a malu, man aneno, man, nen, ng’atu moko m’uronyo bongu ma nwang’, ma piere bedo atwia ku mola ma kwar ma leng’ mir Ufaz:

Daniel 2:39

Man yo ng’ei ker mange biwok ma rom kudi ngo; ku ker mange mir adege mi mola, ma bibimo wi ng’om yu.

Daniel 5:31

Man Dario ma Jamedi ugamu ker, ma rundi pare calu pier abusiel wi ario.

Daniel 6:28

Kum kumeno Daniel maeno lembe bedo ire miero i camuker pa Dario, man i camuker pa Kuro ma Jaajemi.

Daniel 7:5

Man nen, yedi mange, mir arionde, calu wai; man etingre malu wi ng’ete kurucel, man wel ng’et adek ni i dhoge i kind lake: e giwacu ire kumae, Ai malu, cam ring’o dit.

Daniel 8:2

Man aneno i ginmawokiwang’; nie ebedo kumeno, nia kan aneno, ani i Cucan ma odker, ma ni ng’etker Elam; man aneno i ginmawokiwang’, man ani dhu kulo Ulai.

Daniel 8:20

Nyog rombo m’ineno, m’ubedo ku tung ario, gin ubimo mi Medi man Ajemi.

Zekaria 1:18

E ating’o wang’a malu, man aneno, man, nen, tung ang’wen.

Zekaria 2:1

E ating’o wang’a malu, man aneno, man, nen, ng’atu moko ku thol mi poropiny i cinge.

Zekaria 5:1

Alund ating’o wang’a malu kendo, man aneno, man, nen, kitabu m’adola m’uberingo.

Zekaria 5:5

Malaika ma waweco wakude lund ucidho woko, man ewacu ira kumae, Ng’ai weng’i malu kawono, man inen maeni ang’o m’ucidho woko.

Zekaria 5:9

Alund ating’o wang’a malu, man aneno, man, nen, mon ario giwok woko, man yamu ni i bombgi; nwang’u bombgi calu bomb weli; e giting’o mukero i die polo ku ng’om.

Zekaria 6:1

Man ang’ayu wang’a malu kendo, man aneno, man, nen, magali ang’wen ai kind gudi ario; man gudine gi gudi mi mola.

Kitabu Mir Ang’wende Pa Musa Wel 24:2

E Balam uting’o wang’e, man eneno Israel ubedo calku suru migi; e Tipo pa Mungu bino i wie.

Yocuwa 5:13

Man etimbre, kinde ma Yocuwa ni ng’et Yeriko, nia eting’o wang’e malu man eneno, man, nen, ng’atu moko cungo i vute keca ku palamularu m’ubedo acika i cinge: e Yocuwa cidho i bang’e, man ewacu ire kumae, In i jabang’wa, kadi i jaba judegi mwa?

Lembanyutha 13:11

Man aneno yedi mange ai i ng’om uidho malu; tunge ario calu pa nyathi rombo, man eweco calu ng’ec.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.