Daniel 8:24 - The Holy Bible In Alur (Lur) Revised Orthography

²⁴ Man tego pare bibedo tek, ento ku tego pare gire ngo; man ebinyotho piny ma wang’u ijo, e lembe bibedo miero ire man ebitimo kayeny pare; man ebinyotho jutego ku dhanu ma leng’.

Daniel 8:24 ပူးပေါင်းရင်းမြစ်များ

Zaburi 37:35

Aneno jadubo ma won tego ma dit, M’ebejany gire calu yen m’udinyo i ng’om m’etwi i ie.

Daniel 11:23

Man yo ng’ei lembariba ma jutimo kude ebitimo kud abombi; kum ebiidho malu, man ebidoko tek, ku dhanu ma nyanok.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 8:10

Man edoko dit, cil kum udul m’i polo; man ebolo moko mi kind udul man mi cero i ng’om, man enyonogi.

Daniel 8:11

Eyo, eyungre gire cil ni jadit mir udul; man ekabu woko lam m’awang’a pare ma thiri thiri, man juredho ka mi kamaleng’ pare piny.

Daniel 8:12

Man juwodho udul ire karacelo ku lam m’awang’a ma thiri thiri ni kum dubo; man eredho lemandha piny i ng’om e etimo calu ie yenyo man lembe bedo miero ire.

Daniel 8:23

Man i nindo ma cen mi ker migi, kinde ma lembe mi judubo timbre kakare, ubimo m’ubedo ku wang’ mi kwinyo, man m’ung’eyo lembe ma via via, bicungo.

Lembanyutha 16:6

kum githwogo rimb jumaleng’ ku mi jubila de, imio igi rimo gimadhi: eromo kugi de.

Lembanyutha 17:17

Kum Mungu ketho i adundegi nia gitim pidoie, man gidok ma pidoigi acel, man gimi ker migi ni yedi, cil ma lembe pa Mungu timbre ko kakare.

Lembanyutha 17:6

Man aneno dhakune mer ku rimb jumaleng’, ku rimb ju m’utho pi Yesu. Man kan anene, ia wang’ lii ku wang’uic ma dit.

Lembanyutha 19:2

kum poko lembe pare gin andha man pwe; kum epoko lembe pa dhaku ma won asara ma dit, en m’enyotho ng’om ku tarwang’ pare, man eculo wang’ rimb jumiru pare i cinge.