Daniel 8:22 - The Holy Bible In Alur (Lur) Revised Orthography

²² Man pi maeno m’utur, ma ang’wen ucungo kakare, ker ang’wen bicungo kud i thek, ento ku tego pare ngo.

Daniel 8:22 ပူးပေါင်းရင်းမြစ်များ

Daniel 11:4

E kan ebicungo, ker pare bitur, man ebipokre yo ba yamu ang’wen m’i polo, ento ni nyikwaye ngo, kadi calku bimobim pare m’ecamu ko ker de ngo; kum jubimugo ker pare, cil pi jumange m’umedo maeni.

Daniel 7:6

Yo ng’ei maeni aneno, man, nen, yedi mange, calu ng’u, m’ebedo ku bombe ang’wen mi winyo i ng’eye; yedine bedo ku wie ang’wen bende; man bimobim umire ire.

Daniel 7:7

Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Daniel 8:21

Man nyog diel ma jarop en e ubimo mi Yunani: man tung ma dit ma ni i ter nyime en e ubimo ma kwong’a.

Daniel 8:23

Man i nindo ma cen mi ker migi, kinde ma lembe mi judubo timbre kakare, ubimo m’ubedo ku wang’ mi kwinyo, man m’ung’eyo lembe ma via via, bicungo.

Daniel 8:3

Alund ating’o wang’a malu, man aneno, man, nen, nyog rombo ma tunge ario ucungo nyim kulo: man tunge ario gi boco; ento acel bor ma sagu wagi, man ma bor ma sagu idho ma cen.

Daniel 8:8

E nyog dielne yungre gire apila: man kan edoko tek, tunge ma dit utur; man tunge ang’wen ma pigi tek utwi kakagi yo ba the yamu ang’wen mi polo.

Zekaria 6:1

Man ang’ayu wang’a malu kendo, man aneno, man, nen, magali ang’wen ai kind gudi ario; man gudine gi gudi mi mola.