Daniel 8:13 - The Holy Bible In Alur (Lur) Revised Orthography

¹³ Alund awinjo ng’atu acel ma leng’ ubeweco; man ng’atu ma leng’ acel mange wacu ni ng’atu maeno m’uweco kumae, Ginmawokiwang’ pi lam m’awang’a ma thiri thiri, ku kier ma timo nyoth, bibedo rokani, ma jumio ko kamaleng’ kud udul ya junyon the tielo?

Daniel 8:13 ပူးပေါင်းရင်းမြစ်များ

Zaburi 74:10

E Mungu, jasend bicayu cac rokani? Jadegi bicido nyingi mi nja?

Zaburi 74:9

Waneno giranyutha mwa ngo: Jabila moko mbe kendo; Kadok i kindwa de ng’atu moko mbe m’ung’eyo ya rokani.

Zaburi 79:5

Rokani, E Yehova’ ng’ecwiny binegi nja? Nyeko peri biwang’ calu maci?

Isaya 28:18

E lembariba mu ma ku tho jubithiro, man lembariba mu ma ku liel bicungo ngo; kinde ma goc m’ucore bikadhu, e jubilund nyonowu piny kude.

Isaya 6:11

Alund awacu kumae, Rwoth, rokani? E eloko lembe kumae, Maram adhura bibedo ko ni uvuru ma ng’atu moko mbe i ie, man udi ma dhanu mbe i ie, man maram ng’om bidoko ko ni uvuru ma gwei,

Isaya 63:18

Dhanu peri ma leng’ gibedo kude nindo ma nyanok kende: jusend mwa ginyono kamaleng’ peri.

Isaya 9:6

Kum nyathin unyole iwa, man nyathin ma nico mire iwa; e bim bibedo wi goke: man jubilwong’o nyinge Wang’uic, Japorlembe, Mungu ma Jatego, Wego mi Nja, Jaditmawijo mi Kwiocwiny.

Yeremia 12:10

Jukwac dupa ginyotho podho mir ulok para, ginyono makapiny para the tielo, gidwoko makapiny para ma ber ni langa mir uvuru.

Daniel 11:31

Man njuru asikari bicungo i kume, man gibicido kamaleng’, cil ot ma tek, man gibikabu lam m’awang’a ma thiri thiri woko, man gibiketho ginmajudagu ma timo uvuru ucungi.

Daniel 12:11

Man ugambre i nindo ma lam m’awang’a ma thiri thiri bikabre ie woko, man ginmajudagu ma ketho uvuru bicungo, ceng’ bibedo rubanga acel ku dak ario ku pier abung’wen.

Daniel 12:8

Man awinjo, ento ang’eyo ngo: alund awacu kumae, E rwoth para, kajik mi gin maeni bibedo ang’o?

Daniel 4:10

Ginmawokiwang’ mi wia wi kavuto para ubedo kumae: Aneno, man, nen; yen ucungo i die ng’om; man kadongone dit.

Daniel 4:13

Aneno i ginmawokiwang’ mi wia wi kavuto para, man, nen, jakur acel ku ng’atu ma leng’ acel uloro piny kud i polo.

Daniel 4:23

Man kan ubimo neno jakur ku ng’atu ma leng’ m’uloro kud i polo, man uwacu kumae, Wung’ol yende piny, man wunyothe; ento wuwek dund ulage i ng’om, karacelo ku gwang’ mi nyunyu mi mola de, i lum ma lep lep m’i thim, man wek kume bed ng’ic ku thoi m’i polo; man wek makapiny pare bed karacelo ku yedi m’i thim, maram nindo abiro kadh ko i wie;

Daniel 7:16

Acoro ceng’ni ng’atu acel m’i kind ju m’ucungo ceng’ni, man apenje pi lemandha mi maeni ceke. Ka kumeno eyero ira, man eketho ang’eyo thelembe mi ginduni.

Daniel 7:23

Ewacu kumae, Yedi mir ang’wende bibedo ker mir ang’wende wi ng’om ma bibedo tung’ ku ker ceke, man ebicamu ng’om yu, man ebinyone piny, ebiture de nziki nziki.

Daniel 9:27

Man ebitimo lembariba ma tek ku dupa mi yenga acel; man i die yenga ebijigo lam ku girathiera; man ng’atu m’utimo uvuru bibino wi bomb ginmajudagu; man cil kum kajikne m’upong’, man ma jukeco, jubikonjo kwinyo wi weg uvuru.

Zekaria 1:19

E awacu ni malaika m’uweco kuda kumae, Maeni ang’o? Man eloko lembe ira kumae, Maeni tung m’uketho Yuda mba, kud Israel, man Yerusalem.

Zekaria 14:5

Man wubiringo kud i poga mi got para; kum poga mi got bitundo kum Azel; eyo, wubiringo, calu wuringo kud i wang’ digidi i nindo pa Uzia m’ubimo mi Yuda; e Yehova Mungu para bibino, ku ju ma leng’ ceke gikugi.

Matayo 11:27

Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire.

Matayo 24:15

Ka kumeno ka wuneno gin mir adegi mi nyoth, ma yang’ Daniel wacu pire, ucungo i kamaleng’ (wek ng’atu m’usomo ung’ei),

Marko 13:14

Ento ka wuneno gin mir adegi mi nyoth ucungo ka ma maku kud ecung i ie (e dong’ ng’atu m’usomo ung’ei), i nindo maeni dong’ ju ma gini i Yahudi giring i got:

Luka 10:22

Vwa mio ira gin ceke: ng’atu moko mbe de m’ung’eyo nia Wod en e ng’a, ndhu Wego kende; kadi m’ung’eyo nia Wego de en e ng’a, ndhu Wod kende, ku ng’atu ma Wod uyenyo enyuthe ire.

Luka 21:20

Ento ka wuneno njuru asikari ubetieko Yerusalem wulund wung’ei nia nyoth pare dhingo ceng’ni.

Luka 21:24

Man gibipodho ku lak palamularu, jubipeyogi de ni ayeki i thek ceke: Yerusalem de Thekdhanumange binyone, maram nindo mi Thekdhanumange bitimbre ko kakare.

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Poi Mi Cik 33:2

Ewacu kumae, Yehova ai i Sinai, Eai i kumgi kud i Seir; Erieny ku wi got Paran, Man eai kud i kind jumaleng’ rubanga apar: Cik mi mac ni yor i cinge ma yor acwic igi.

1 Jutesaloniki 3:13

kara eketh adundewu cung ma adote mbe i leng’cwiny wang’ Mungu mwa man Wegwa, i bino pa Rwoth Yesu mwa ku jupare maleng’ ceke.

Juebrania 10:29

e iwu wacu ya masendi ma jubing’olo ya urom ng’atu m’unyono Wod Mungu the tiende, m’ekwanu rimb lembariba m’edoko kudo leng’ de ni gin ma leng’ ungo, m’ecayu Tipo mi bero bende, bisagu dit ungo?

1 Petro 1:12

M’unyuthre igi, nia igi gigi ngo, ento iwu, gitimo gin maeni, ma kawono uyere iwu ni kum ju ma giyero iwu lembanyong’a ma juboth ko ku Tipo Maleng’ ma juore kud i polo; ma malaika giyenyo ging’i i ginde.

Yuda 1:14

Man Enok bende, ma ng’atu mir abirone yo ng’ei Adamu, eewo ni joni, ewacu kumae, Nen, Rwoth ubino ku jupare ma leng’ rubanga apar,

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 6:10

man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?

Jupoklembe 13:18

Man malaika pa Yehova wacu ire kumae, Nedi ipenjo nyinga, kum en e nying’ mi wang’uici?