Daniel 8:11 - The Holy Bible In Alur (Lur) Revised Orthography

¹¹ Eyo, eyungre gire cil ni jadit mir udul; man ekabu woko lam m’awang’a pare ma thiri thiri, man juredho ka mi kamaleng’ pare piny.

Daniel 8:11 ပူးပေါင်းရင်းမြစ်များ

Isaya 37:23

Icayu man icido ng’a? man iting’o dwendi ing’ayu weng’i de malu kum ng’a? en e kum Ng’atu Maleng’ mir Israel.

Isaya 37:29

Kum kwinyo peri m’i kuma, man kum tingri peri idho malu i itha, ka kumeno abiketho gol para i umi, man jamtwiny para i dendhogi, man abiloki cen i yo m’ibino i ie.

Yeremia 48:26

Wuketh emer: kum etingre kum Yehova: e Moab birudre i ng’ok pare, man en bende ebibedo i cac.

Yeremia 48:42

E jubinyotho Moab kud ubed ni thek, kum eyungre gire kum Yehova,

Ezekiel 46:14

Man ibiyiko lam mi mogo karacelo kude ku ba rupiny ku ba rupiny, ng’ete mir abusiende mi kukunju, man ng’ete mir adege mir amorpi mi mo, kara uyom mogo ma yom; lam mi mogo ni Yehova, thiri thiri ku lembang’ola ma thiri thiri.

Daniel 11:22

Man njuru asikari m’usagre jubisagugi kud i wang’e, man gibitur; eyo, jaditmawijo mi lembariba bende.

Daniel 11:31

Man njuru asikari bicungo i kume, man gibicido kamaleng’, cil ot ma tek, man gibikabu lam m’awang’a ma thiri thiri woko, man gibiketho ginmajudagu ma timo uvuru ucungi.

Daniel 12:11

Man ugambre i nindo ma lam m’awang’a ma thiri thiri bikabre ie woko, man ginmajudagu ma ketho uvuru bicungo, ceng’ bibedo rubanga acel ku dak ario ku pier abung’wen.

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 8:12

Man juwodho udul ire karacelo ku lam m’awang’a ma thiri thiri ni kum dubo; man eredho lemandha piny i ng’om e etimo calu ie yenyo man lembe bedo miero ire.

Daniel 8:24

Man tego pare bibedo tek, ento ku tego pare gire ngo; man ebinyotho piny ma wang’u ijo, e lembe bibedo miero ire man ebitimo kayeny pare; man ebinyotho jutego ku dhanu ma leng’.

Daniel 8:25

Man ni kum lembapida pare ebiketho abombi bed miero i cinge; man ebiyungre gire i adundene, man ebinyotho dupa i bedo migi ma museme: man ebicungo bende kum jaditmawijo mi judongomawijo; ento ebitur ma ku cing’ ungo.

Daniel 9:25

Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.

Kitabu Mir Ang’wende Pa Musa Wel 28:3

Man ibiwacu igi kumae, Maeni girathiera ma jutimo ku mac ma wubithiero ni Yehova: nyithi nyogi rombe ma rundigi acel acel ma mulima mbe i kumgi, ario ku ba ceng’ ku ba ceng’, ni lam m’awang’a ma thiri thiri.

Luka 21:24

Man gibipodho ku lak palamularu, jubipeyogi de ni ayeki i thek ceke: Yerusalem de Thekdhanumange binyone, maram nindo mi Thekdhanumange bitimbre ko kakare.

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

Juebrania 2:10

Kum emake, ma gin ceke gi pire, ma gin ceke de wok ni kume, i kelo m’ekelo ko wot dupa i dwong’ ya eketh won both migi dok ndhu cu ni kum sendri.

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.