Daniel 7:8 - The Holy Bible In Alur (Lur) Revised Orthography

⁸ Ia pido pi tunge, man, nen, tunge mange ma nok uidho malu i kindgi, i wang’e tunge adek ma kwong’a jufudho kud ulaggi: man, nen, i tunge maeni wang’e nuti calu wang’ dhanu, man dhoge ubeyero gin ma dit.

Daniel 7:8 ပူးပေါင်းရင်းမြစ်များ

Zaburi 12:3

Yehova bithumo dendhok ceke mir abombi woko, Leb ma yero lembe ma dit;

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 7:19

Alund ayenyo ang’ei lemandha pi yedi mir ang’wende, ma en e tung’ ku wadi ceke, jang’oi ndiri apila, ma lake nyunyu kwa, man wi lwete mola kwa; ma camu, ma turo nziki nziki, man ma nyono donge ku tiende;

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

2 Timoteo 3:2

Kum dhanu bibedo ma ng’atuman bimare gire en, man bimare gire en, gibibedo jumar sente, ku jukulula, ku ju ma gidodri wi juwagi, ku ju ma cayu cac, ku ju ma gi juco ni junyodogi, ku ju ma gifoyo foc ungo, ku ma leng’ ungo de,

2 Petro 2:18

Kum, ma gibeweco thwo lembe m’uyenyo ma kite mbe, gibidho ju m’umaku ringo ju m’ubedo i kier kud awanya ma rac mi kum ni kum tarwang’;

Yuda 1:16

Joni gi jung’ur, gi jupir, ma gilubo tok awanya migi ma rac (ma dhoggi yero lembe ma dit ma yenyo) ma dhanu bedo tung’ tung’ i wang’gi ni kum kuloka.

Lembanyutha 13:1

Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie.

Lembanyutha 9:7

Man ayi bonyone va ayi riuni m’ubedo ayika mir ali; jamkermiwic ma calu mola ma kwar ni i wigi, wang’gi de calu wang’ dhanu.

1 Samwil 2:3

Kud wuwec ku kuhaya m’apila kumeno kendo; Kud wuwek tingri wok woko kud i dhogwu; Kum Yehova en e Mungu mi ng’eyong’ec, Man tic pore ni kume.