Daniel 7:7 - The Holy Bible In Alur (Lur) Revised Orthography

⁷ Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Daniel 7:7 ပူးပေါင်းရင်းမြစ်များ

2 Samwil 22:43

Alund aodogi nyung’u nyung’u calu utur m’i ng’om, Man anyonogi calu ulobo m’i gengi, man amoyogi mba mba.

Kitabu Pa Yob 41:14

Ng’a ma copo yabu dhugola mi wang’e? Ndiri ni i ng’et lake.

Ezekiel 40:2

I ginmawokiwang’ pa Mungu etera i ng’om Israel, man eketha piny wi got ma wiu dit, ka ma giratada mir adhura ni i wie yor ariwa ma piny.

Daniel 2:19

E lembamung’ane lund unyuthre ni Daniel i ginmawokiwang’ ku diewor. Daniel ulund umio mugisa ni Mungu m’i polo.

Daniel 7:13

Aneno i ginmawokiwang’ mi diewor, man, nen, ng’atu acel ubino kind afuru m’i polo calu wod dhanu, man ebino cil ba ng’atu m’uti mi ceng’, man gikele ceng’ni i wang’e.

Daniel 7:2

Daniel uyero man ewacu kumae, Aneno i gin m’uwok i wang’a ku diewor, man, nen, yamu ang’wen mi polo ukoto wi nam ma dit.

Daniel 8:10

Man edoko dit, cil kum udul m’i polo; man ebolo moko mi kind udul man mi cero i ng’om, man enyonogi.

Daniel 8:22

Man pi maeno m’utur, ma ang’wen ucungo kakare, ker ang’wen bicungo kud i thek, ento ku tego pare ngo.

Zekaria 2:1

E ating’o wang’a malu, man aneno, man, nen, ng’atu moko ku thol mi poropiny i cinge.

Lembanyutha 12:3

E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.

Lembanyutha 13:1

Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie.

Lembanyutha 17:12

Man tung apar m’ineno gin ubimo apar ma fodi gikujolo ker ungo; endre gijolo ng’ol calu ubimo, karacelo ku yedi, kind saa acel.

Lembanyutha 17:7

Man malaika wacu ira kumae, Ii wang’ lii nedi? Abiyero iri pi giramung’a pa dhakune, man pi yedi m’uyeye, ma wie abiro tunge ke apar.

Lembanyutha 17:8

Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.