Daniel 7:5 - The Holy Bible In Alur (Lur) Revised Orthography

⁵ Man nen, yedi mange, mir arionde, calu wai; man etingre malu wi ng’ete kurucel, man wel ng’et adek ni i dhoge i kind lake: e giwacu ire kumae, Ai malu, cam ring’o dit.

Daniel 7:5 ပူးပေါင်းရင်းမြစ်များ

2 Ubimo 2:24

E eneno yor i ng’eye man enenogi, e elamugi i nying’ Yehova. Man rnegi wai ario uai i luli, e giyeco kind awia ma cone pier ang’wen wi ario.

Lembrieko 17:12

Tek wai ma juyaku nyithindhe rombo ku ng’atu moko e ber, Sagu rombo ma ku jakasegu ku kasegu pare.

Isaya 56:9

Wu yedi ceke m’i thim, wubin kara wucam, eyo, wu yedi ceke m’i luli.

Daniel 11:2

Man kawono abinyutho iri lemandha. Nen, fodi ubimo adek bicungo i Ajemi; man mir ang’wende bilony ma sagugi ceke: man kan enwang’u tego ni kum lonyo pare, ebithubo dhanu ceke kum ker mi Yunani.

Daniel 2:39

Man yo ng’ei ker mange biwok ma rom kudi ngo; ku ker mange mir adege mi mola, ma bibimo wi ng’om yu.

Daniel 5:28

PERES; ker peri pokre, man jumie ni Jumedi ku Juajemi.

Daniel 7:4

Ma kwong’ane calu umvor, man ebedo ku bomb acur: aneno maram bombe luny ko, man juting’e malu kud i ng’om, juketho ecungo wi tiende ario de calu dhanu; man maram jumio ko ire adunde dhanu.

Daniel 7:6

Yo ng’ei maeni aneno, man, nen, yedi mange, calu ng’u, m’ebedo ku bombe ang’wen mi winyo i ng’eye; yedine bedo ku wie ang’wen bende; man bimobim umire ire.

Hoseya 13:8

abirombo kugi calu wai ma jumayu nyithindhe, man abiyeco bor mir adundegi; e abicamugi kuca calu min umvor; yedi m’i thim biyecogi.

Lembanyutha 13:2

Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit.