Daniel 7:25 - The Holy Bible In Alur (Lur) Revised Orthography

²⁵ Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 7:25 ပူးပေါင်းရင်းမြစ်များ

Isaya 37:23

Icayu man icido ng’a? man iting’o dwendi ing’ayu weng’i de malu kum ng’a? en e kum Ng’atu Maleng’ mir Israel.

Daniel 11:28

Ebilund dok i ng’om pare ku piny ma dit; man adundene bijai kum lembariba ma leng’; man ebitimo calu ie yenyo, man ebidok i ng’om pare gire.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 3:26

Nebukadnezar ulund ucoro ceng’ni dhu majuka m’ubogre: eyero man ewacu kumae, Cadrak, ku Mecak, man Abed-nego, wu jutic pa Mungu ma Malu Ngbir, wuwok woko, wubin kue. E Cadrak, ku Mecak, man Abed-nego gilund giwok woko kud i die mac.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:2

Ebedo ber ira ninyutho giranyutha ku musana ma Mungu ma Malu Ngbir utimo i bang’a.

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:20

man pi tunge apar ma ni i wie, man tunge mange m’uidho malu, ma adek de podho i wang’e, cil tunge maeno m’ubedo ku wang’e, ku dhoge m’uyero gin ma dit, ma nenne dit ma sagu juwagi.

Daniel 7:8

Ia pido pi tunge, man, nen, tunge mange ma nok uidho malu i kindgi, i wang’e tunge adek ma kwong’a jufudho kud ulaggi: man, nen, i tunge maeni wang’e nuti calu wang’ dhanu, man dhoge ubeyero gin ma dit.

Daniel 8:11

Eyo, eyungre gire cil ni jadit mir udul; man ekabu woko lam m’awang’a pare ma thiri thiri, man juredho ka mi kamaleng’ pare piny.

Daniel 8:14

Man ewacu ira kumae, Cil i nindo mir uthieno ku kugweno rubanga ario ku dak adek; ka jubilund lonyo kamaleng’.

Daniel 8:9

Man tunge ma nok utwi kud i tunge acel mi kindgi, m’uwobo dit apila, yor ariwa ma piny, man yo nyangu, man yo ba ng’om ma ber hai.

Daniel 9:27

Man ebitimo lembariba ma tek ku dupa mi yenga acel; man i die yenga ebijigo lam ku girathiera; man ng’atu m’utimo uvuru bibino wi bomb ginmajudagu; man cil kum kajikne m’upong’, man ma jukeco, jubikonjo kwinyo wi weg uvuru.

Hoseya 7:16

Gidwogo, ento ba ng’atu ma ni malu ngo; gi calu atum ma kulokane mbe; judongomawijo migi gipodho ku palamularu kum kwinyo ni i lebgi: maeni bibedo cac migi i ng’om Misiri.

2 Jutesaloniki 2:3

kud wuyi ng’atu moko bombwu i yo moko ki: kum ceng’ nino biwok ungo, tek wingri kularuwok ungo, man ng’atu mi dubo de fokunyuthre ngo, ma en e wod nyoth,

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

2 Jutesaloniki 2:8

E jaco nino bilund nyuthre, ma Rwoth Yesu binege ku lietho m’i dhoge, man ebidwoke mananu ku nyuth mi bino pare:

Lembanyutha 12:14

Man jumio bomb acur ma dongo ario ni dhakune, kara ering i yamba i kakare, ka ma jugwoke i ie pi nindo, man ungu nindo, man ng’et nindo, kud i wang’ thwol.

Lembanyutha 12:6

Man dhakune ringo i yamba, ka ma kaka ma Mungu yiko ire ni i ie, kara jugwoke kuca ceng’ rubanga acel ku dak ario ku pier abusiel.

Lembanyutha 14:12

Keni en e twiocwiny mi jumaleng’, gi ju ma giworo lembang’ola pa Mungu, ku yioyic pa Yesu.

Lembanyutha 16:6

kum githwogo rimb jumaleng’ ku mi jubila de, imio igi rimo gimadhi: eromo kugi de.

Lembanyutha 17:6

Man aneno dhakune mer ku rimb jumaleng’, ku rimb ju m’utho pi Yesu. Man kan anene, ia wang’ lii ku wang’uic ma dit.

Lembanyutha 18:24

Man i ie junwang’u rimo mi jubila man mi jumaleng’, man mi ceke ma junego wi ng’om.