Daniel 7:20 - The Holy Bible In Alur (Lur) Revised Orthography

²⁰ man pi tunge apar ma ni i wie, man tunge mange m’uidho malu, ma adek de podho i wang’e, cil tunge maeno m’ubedo ku wang’e, ku dhoge m’uyero gin ma dit, ma nenne dit ma sagu juwagi.

Daniel 7:20 ပူးပေါင်းရင်းမြစ်များ

Daniel 7:11

Aneno i nindo maeca um dwal mi lembe ma dit ma tunge yero; aneno maram junego ko yedine, man maram junyotho ko kume de, man maram jumie ya juwang’e ku mac.

Daniel 7:19

Alund ayenyo ang’ei lemandha pi yedi mir ang’wende, ma en e tung’ ku wadi ceke, jang’oi ndiri apila, ma lake nyunyu kwa, man wi lwete mola kwa; ma camu, ma turo nziki nziki, man ma nyono donge ku tiende;

Daniel 7:21

Aneno, e tung maeno timo ali ku jumaleng’, man esagugi;

Daniel 7:23

Ewacu kumae, Yedi mir ang’wende bibedo ker mir ang’wende wi ng’om ma bibedo tung’ ku ker ceke, man ebicamu ng’om yu, man ebinyone piny, ebiture de nziki nziki.

Daniel 7:7

Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Daniel 7:8

Ia pido pi tunge, man, nen, tunge mange ma nok uidho malu i kindgi, i wang’e tunge adek ma kwong’a jufudho kud ulaggi: man, nen, i tunge maeni wang’e nuti calu wang’ dhanu, man dhoge ubeyero gin ma dit.

Lembanyutha 12:3

E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.