Daniel 7:18 - The Holy Bible In Alur (Lur) Revised Orthography

¹⁸ Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:18 ပူးပေါင်းရင်းမြစ်များ

Zaburi 45:16

Nyithindho peri gibibedo kaka kwaru peri, M’ibikethogi ni judongomawijo i ng’om ceke.

Zaburi 49:14

Jukethogi calu udul rombe ni liel; Tho bibedo jakwac migi: Man ju m’atira bicamu ker i wigi kugweno; Man leng’kumgi bibedo ni liel kara udare, Kara kabedo moko bed umbe ire.

Isaya 14:2

E kodhidhanu biting’ogi man gibidwokogi i kakagi; e ot mir Israel bibedo kugi i ng’om pa Yehova ni jutic man ni bong’: man gibidwokogi ni ng’eca ma naka gin e ma gi ng’eca migi; man gibibimo wi jusend migi.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Daniel 7:17

Ewacu kumae, Yedi ma dongo maeni, ma gin ang’wen, gin ubimo ang’wen, ma biai kud i ng’om.

Daniel 7:22

maram ng’atu m’uti mi ceng’ uwok ko, e lembapoka mire ni jumaleng’ pa Ng’atu ma Malu Ngbir, man nindo wok ma jumaleng’ ucamu ie ker.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Obadia 1:17

Ento i got Sayuni ju m’uboth bibedo nuti, man ebibedo leng’; man ot pa Yakobo bimwonyo piny migi.

Luka 1:33

Man ebicamu ker wi ot pa Yakobo mi nja; kajik mi ker pare de bibedo umbe.

1 Jukorinto 6:2

Kadi wung’eyo ngo nia jumaleng’ bipoko lembe mi ng’omi? man tek wupoko lembe mi ng’om, wuromo ngo ya wupok lembe ma nyanoki?

Juefeso 1:3

Mugisa ni Mungu ma Won Rwoth mwa Yesu Kristu, m’umio mugisa iwa ku ba mugisa ceke mi tipo i ka mi polo i Kristu:

Juefeso 6:12

Kum anyego mwa en e kum ring’kum ku rimo de ngo, endre kum ker, kum tego, kum jubim mi mudho mi ng’om maeni, kum udul tipo mi dubo i ka mi polo.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.

Lembanyutha 22:5

Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 5:10

man iketho gibed ni ker ku julam de ni Mungu mwa; man gibimo bim wi ng’om.