Daniel 7:15 - The Holy Bible In Alur (Lur) Revised Orthography

¹⁵ An a Daniel, can unega i tipona i kuma, man ginmawokiwang’ mi wia ng’abu cwinya.

Daniel 7:15 ပူးပေါင်းရင်းမြစ်များ

Thangambere 41:8

Man etimbre kugweno nia cwinye ng’abre; e eoro elwong’o weg ajoga ceke mi Misiri, ku dhanu ma jurieko ceke m’i ng’ombe: e Farao yero lek pare igi; ento ng’atu moko mbe ma copo ewo there ni Farao.

Yeremia 17:16

Pi an, atimo pio ngo ma nia aai i tic pa jakwac i toki; kadok ceng’ mi can de ayenyo ngo; ing’eyo: gin m’uai woko kud i dendhoga eni i weng’i.

Daniel 10:16

Man, nen, ng’atu acel ma calu wod dhanu emulo dendhoga: e alund aalu dhoga, man ayero awacu ni ng’atu m’ucungo i wang’a kumae, E rwoth para, ni kum ginmawokiwang’ can para dwog i wia, man tego dong’ umbe kuda.

Daniel 2:1

Man i rundi mir arionde mi camuker pa Nebukadnezar, Nebukadnezar uleko lek; e cwinye ng’abre, man nindo lal i wang’e.

Daniel 2:3

E ubimo wacu igi kumae, Aleko lek, man cwinya ng’abre ya ang’ei the lekne.

Daniel 4:19

Daniel ma nyinge Beltecazar, dhoge tal nyangba, man pidoic pare ng’abu cwinye. Ubimo loko lembe man ewacu kumae, Beltecazar, kud iwek lek, kadi ewothere de, ung’ab cwinyi. Beltecazar uloko lembe man ewacu kumae, Rwoth para, lekne bed ni ju m’udegi, ewothere de ni jusendni.

Daniel 4:5

Aneno lek m’unega ku lworo; man pidoic wi kavuto para ku ginmawokiwang’ mi wia ung’abu cwinya.

Daniel 7:1

I rundi ma kwong’ane pa Belcazar m’ubimo mi Babeli Daniel uneno lek ku giranena m’uwok i wie wi kavuto pare: elund egoro lekne man eyero min giki maeni.

Daniel 7:28

Maeni kajik mi lembene. An a Daniel, pidoic para ng’abu cwinya dit, man wang’a lokre i ia; ento akanu lembene i adundena.

Daniel 8:2

Man aneno i ginmawokiwang’; nie ebedo kumeno, nia kan aneno, ani i Cucan ma odker, ma ni ng’etker Elam; man aneno i ginmawokiwang’, man ani dhu kulo Ulai.

Daniel 8:27

Man, an a Daniel, cwinya kadhu, man kuma bedo lith ceng’ moko; alund aai malu, man atimo tic p’ubimo: man ia pido kum ginmawokiwang’, ento ng’atu moko mbe m’ung’eyo there.

Habakuk 3:16

Awinjo, man kuma miel, Dendhoga miel kum dwalne; Top umondo i cogona, man amiel i kakara; Kum akoakur be ceng’ mi can ling’ ling’, Kum bino mi dhanu ma gibino mwonyowa.

2 Petro 1:14

m’ang’eyo ko wanyu hema para bebino fodi nyanok, cil calu Rwoth mwa Yesu Kristu nyutho ira.