Daniel 6:4 - The Holy Bible In Alur (Lur) Revised Orthography

⁴ Judongo ku jego gilund giyenyo ginwang’ lembe kum Daniel pi ker; ento gicopo nwang’u lembe moko ngo kadok lem ma rac, kum en e mandha, kadok kier moko kadi lem ma rac de junwang’u i ie ngo.

Daniel 6:4 ပူးပေါင်းရင်းမြစ်များ

Thangambere 41:38

Man Farao wacu ni jutic pare kumae, Wacopo nwang’u wadi ng’atu maeni, ma ng’atu ma tipo Mungu ni i ie?

Thangambere 43:18

E lworo nego dhanunegi, kum juterogi i ot pa Yusuf; man giwacu kumae, Jukelowa i ot kum sente ma judwoko i usau mwa ku kwong’a; kara enwang’ lembe i kumwa, man epodh i wiwa, man egamwa ni ng’eca, ku kana mwa.

Lembrieko 29:27

Ng’atu ma pwe ngo en e ginmajudagu ni ng’atu ma pwe, Man ng’atu m’atira i yo en e ginmajudagu ni jadubo.

Eklizia 4:4

Alund aneno tic mi muli ceke man tic mi bodho ceke kubang’e kubang’e, nia dhanu nwang’u kumira pi maeni ni kum jadhugola pare. Maeni bende en e gin ma ie nanu man kethocwiny kum yamu.

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Yeremia 18:23

Ento, Yehova, ing’eyo lembapora migi ceke m’i kuma kara ginega; kud iwek kier migi, kadok dubo migi de kud iruc woko kud i weng’i; ento wek jung’ielgi i weng’i; tim kugi i nindo mi ng’ecwiny peri.

Yeremia 20:10

Kum awinjo yeronying’ mi dhanu dupa, ndiri ni kun ku kun. Jurimba ceke ma ceng’ni, gi ju m’ukuro kier para, giwacu kumae, Dote, e wabidote, kuno nyo ebiyio iwa, e wabisage, man wabiculo kwor mwa i kume.

Yeremia 29:7

Man wuyeny kwiocwiny mir adhura m’aketho jutero wu ni ng’eca ie, man wukwai Yehova pire; kum i kwiocwinyne wubibedo ku kwiocwiny.

Daniel 3:8

Kum kumeno i nindo maeca Jukaldayo moko gibino ceng’ni, man gikelo i agobe kum Juyahudi.

Daniel 5:12

kum tipo ma ber hai, ku ng’eyong’ec, ku ng’eyothelembe, ku ewo the lek, ku nyutho lembe ma tek, ku daru lembe ma jiji, unwangre i Daniel maeni, m’ubimo caku nyinge Beltecazar. Nie wek julwong’ Daniel, e ebiewo there.

Daniel 6:22

Mungu para oro malaika pare, man emio dhu umvor, man gitima rac ungo; kum junwang’u gin moko ma rac i ia ngo i wang’e; man i weng’i bende, E ubimo, atimo gin moko ma rac ungo.

Matayo 26:4

man giporo lembe karacelo kara gimak Yesu ku rieko, ginege de.

Matayo 27:18

Kum eng’eyo nia gimie kum kumira.

Luka 20:20

E gioro julib de i bang’e, ma gipali gigi nia gi pwe, kara gimak lembe m’i dhoge, kara gimie ni tego ku ng’ol pa jabim.

Luka 20:26

E gicopo maku lem moko ngo i wang’ dhanu: e igi wang’ lii kum lembadwoka pare, man giling’.

Luka 22:2

E julam ma dongo ku jugorcik de giyenyo maram gicopo nege ko; kum gilworo dhanu.

Yohana 19:4

Pilato wok woko kendo man ewacu igi kumae, Nen, akele woko i beng’wu, kara wung’ei nia anwang’u dubo moko ngo i ie.

2 Jukorinto 11:12

Ento gin m’atimo, maeno abitimo, kara acer kaka ni ju ma giyenyo kaka moko; kara i gin maeni ma giluli i ie, e jubinwang’u gin de ndhu calu wan.

Jufilipi 2:15

kara wubed ma lembe mbe iwiwuwubed mol de, nyithindho pa Mungu ma poyo de mbe i kind dhanum’utuk m’ugondri ma gi juco de, ma kud i kind joca wubenen calu der i ng’om,

1 Timoteo 5:14

Ka kumeno ayenyo mon ma thindho ma coggi tho jugamgi, ginyol nyithindho, gibim wi udigi, ku giketh lembe moko wok ma jadegiwa bicayu kume cac:

Tito 2:8

ma wecne de lil, ma jucopo poko lembe ma rac i wie ngo; kara lewic umak ng’atu ma lem pare tung’, kum lembe moko ma rac m’eyer piwa mbe kude.

1 Petro 2:12

ma wubedo ko ku piwu ma ber i kind Thekdhanumange; kara, i lembe ma giyero ie nyingwu calu wu judubo, giyung Mungu i ceng’ mi lieu, ni kum tic ma ber mu ma gineno.

1 Petro 3:16

ma wubedo ko ku pidocwiny ma ber; kara, i maeni ma juyero nyingwu i kume, jubin juketh lewic umak ju ma gicayu kura bedo mu ma ber ma i Kristu.

Jupoklembe 14:4

Ento won ku min ging’eyo ngo nia maeni ai ba Yehova; kum eyenyo kalembe wi Jufilisti. Nwang’u i nindo maeca Jufilisti gibimo wi Israel.

1 Samwil 12:4

Man giwacu kumae, Ivugowa ngo, kadi isendowa de ngo, kadok gamu gin moko kud i cing’ dhanu de igamu ngo.

1 Samwil 18:14

E Daudi timbre gire ku rieko i yo pare ceke; man Yehova ni kude.

1 Samwil 22:14

Ahimelek ulund uloko lembe ni ubimo, man ewacu kumae, E ka ng’a m’i kind jutic peri ceke m’ubedo mandha kumeno calu Daudi, ma en e jalwod ubimo, ma jugame i lembapora peri, man en e mi yung i ot peri?