Daniel 6:27 - The Holy Bible In Alur (Lur) Revised Orthography

²⁷ Ewodho man ebodho, man etimo giranyutha ku musana i polo man i ng’om m’ebodho Daniel ni tego mir umvor.

Daniel 6:27 ပူးပေါင်းရင်းမြစ်များ

Kitabu Pa Yob 36:15

Ebodho ju ma jusendogi i masendi migi, Man eyabu ithgi i ruvwa.

Zaburi 145:13

Ker peri en e ker mi nja, Man bim peri bedo cil kum dhanum’utuk ceke.

Zaburi 18:48

Elara ni judegi para; Eyo, iting’a malu wi ju m’ujai ira; Ibodha ni ng’atu ma jarop.

Zaburi 18:50

Emio both ma dit ni ubimo pare, Man enyutho mer mi bero ni ng’atu m’ewiro pare, Ni Daudi ku nyikwaye, mi nja.

Zaburi 32:7

In i kapondo para; ibigwoka ni can; Ibitieka ku wer mi both. [Sela.

Zaburi 35:17

Rwoth, ibineno bang’e rokani? Bodh ng’eyong’ec para ni nyoth migi, Kwo para ma pire tek ni umvor.

Zaburi 97:10

E wun ma wumaru Yehova, wudag dubo: Egwoko ng’eyong’ec mi jumaleng’ pare; Ebodhogi kud i cing’ judubo.

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 4:31

Kinde ma lembe ni i dhu ubimo, dwal upodho kud i polo, uwacu kumae, E ubimo Nebukadnezar, eyere iri kumae: Ker uai kud i beng’i:

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Daniel 6:20

Man kan etundo ceng’ni odumvome ba Daniel, ekok ku dwande mi can; ubimo yero man eweco ni Daniel kumae, E Daniel, jatic pa Mungu ma kwo, Mungu peri, m’itimo ire thiri thiri, ecopo bodhi ni umvori?

Yohana 4:48

E Yesu wacu ire kumae, Tek wuneno giranyutha ku musana de ngo, wubiyio ki ngo.

Tic Mi Jukwenda 4:30

kan irieyo cingi m’ikeyo ko tho; man kara giranyutha ku musana de timbre ni kum nying’ Jatic peri maleng’ Yesu.

Juebrania 2:4

Mungu bende ginyutho gikugi, ku giranyutha ku musana man udul tego de, man ku giramia mi Tipo Maleng’, calku yeny ma ie yenyo gire.

1 Samwil 17:26

E Daudi yero ni dhanu m’ucungo i vute, ewacu kumae, Jubitimo ang’o ni ng’atu m’unego Jafilisti maeni, man ekabu cac woko ku wi Israeli? kum Jafilisti maeni ma jutimo yaa ngo i kume en e ng’a, ma nia ecayu njuru asikari pa Mungu ma kwo e?