Daniel 6:23 - The Holy Bible In Alur (Lur) Revised Orthography

²³ Anyong’a ma dit ulund unego ubimo, man eng’olo nia juting’ Daniel malu kud i odumvor. Ka kumeno juting’o Daniel malu kud i odumvor, e gin moko ma rac umbe ma jungwang’u i kume, kum egeno Mungu pare.

Daniel 6:23 ပူးပေါင်းရင်းမြစ်များ

1 Ubimo 5:7

Man etimbre, kinde ma Hiram uwinjo lembe pa Suleman, nia anyong’a nege dit, man ewacu kumae, Mugisa ni Yehova i ceng’ maeni, m’emio ni Daudi wode ma riek wi dhanu maeni ma dit.

I Lemkei 5:20

E jukonyogi kum jono, man jumio Juhagri i cing’gi, ku dhanu ceke ma ni i bang’gi; kum gilwong’o Mungu i ali, e ewinjogi, kum giketho genogen migi i kume.

2 Lemkei 20:20

E giai pir kugweno, man gicidho woko i langa mi Tekoa: e kinde ma gicidho woko, Yehocafat ucungo man ewacu kumae, Koiwinja, E Yuda, man wu ju m’ubedo i Yerusalem: wuyi Yehova Mungu mu, e wubicungo; wuyi jubila pare, e lembe mu bibedo miero.

Zaburi 18:21

Kum agwoko yo pa Yehova, Man acamu co ngo ni Mungu para.

Zaburi 37:40

Man Yehova konyogi, elarugi de: Elarugi ni judubo, man ebodhogi, Kum gipondo i bang’e.

Ai 18:9

E anyong’a nego Yethro kum bero ma Yehova timo kum Israel, m’ebodho kogi kud i cing’ Jumisiri.

Lembrieko 18:10

Nying’ Yehova en e ot ma tek ma wiu; Won bedopwe ringo i ie, e ebedo museme.

Isaya 26:3

Ibigwoko ng’atu ma pidoie moko i kumi i kwiocwiny ma ndhu cu; kum egeni.

Daniel 3:17

Tek ebedo kumeni, Mungu mwa ma watimo ire ecopo bodhowa kud i majuka m’ubogre; man ebibodho wa kud i cingi, E ubimo.

Daniel 3:25

Eloko lembe man ewacu kumae, Nen, aneno dhanu ang’wen m’agonya, m’ubewotho i die mac, e gin moko timogi ngo; man ayi ng’atu mir ang’wende e calu wod mungu.

Daniel 6:14

E kan ubimo winjo lembe maeni, eton i ie dit, man eketho adundene kum Daniel kara ebodhe; e etimo ma tek cil ma ceng’ upodho kara ebodhe.

Daniel 6:18

Ubimo lund ucidho i odker pare, man ekwiro cam ku diewor soro; kadok adungu de jukelo i wang’e ngo: nindo de lal i wang’e.

Marko 9:23

Yesu wacu ire kumae, Tek icopo! Gin ceke copre ni ng’atu m’uyio.

Juebrania 11:33

ma ni kum yioyic ginyono ker mir ubimo, gitimo bedopwe, ginwang’u lembang’ola, gimio dhu umvor,