Daniel 6:22 - The Holy Bible In Alur (Lur) Revised Orthography

²² Mungu para oro malaika pare, man emio dhu umvor, man gitima rac ungo; kum junwang’u gin moko ma rac i ia ngo i wang’e; man i weng’i bende, E ubimo, atimo gin moko ma rac ungo.

Daniel 6:22 ပူးပေါင်းရင်းမြစ်များ

Thangambere 40:15

kum andha jukwala kud i ng’om mi Juebrania: man keni bende atimo gin moko ngo m’uketho giketha i otkol.

2 Samwil 22:7

I lem ma tek para alwong’o Yehova; Eyo, alwong’o Mungu para: Man ewinjo dwanda ku i hekalu pare, Man ywak para bino i ithe.

1 Ubimo 13:28

E ecidho enwang’u avuje ma jubayu i yo, ku kana man umvor m’ucungo ng’et avune: umvor ucamu avune ngo, kadok kana de eyeco ngo.

2 Lemkei 32:21

E Yehova oro malaika, man ejigo wi dhanu ma tek ceke ma jurukara, ku jutelwic man jego, i kagonjo p’ubimo mir Ascur. Kum kumeno edok ku lewic mi wang’ i ng’om pare ma dhe. Man kan emondo i ot pa mungu pare, e ju ma giai kud i ie gire ginege keca ku palamularu.

Zaburi 118:28

In i Munguna, man abifoi: In i Munguna, abidodi.

Zaburi 26:6

Abilogo cinga ma lembe mbe i wia: Abitieko pemblam peri kumeni, E Yehova;

Zaburi 31:14

Ento ageno in, E Yehova: Awacu kumae, In i Munguna.

Zaburi 34:7

Malaika pa Yehova guro hema gbur kum ju m’ulwore, Man ebodhogi.

Zaburi 38:21

Kud ikuna, E Yehova: E Munguna, kud ibed bor kuda.

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Isaya 3:10

Wuwac pi won bedopwe, nia lembe bibedo ber ire: kum gibicamu nying’ giratima migi.

Isaya 63:9

I masendi migi ceke esendre, man malaika mi wang’e bodhogi: ewarugi ni kum mer pare man kum ngisi pare; man eting’ogi, eyeyogi de i nindo ma con ceke.

Yeremia 37:18

Mange ke Yeremia wacu ni ubimo ma Zedekia kumae, Adubo iri i ang’o, kadi ni jutic peri, kadi ni dhanu maeni, ma nia iketha i odkoli?

Daniel 3:28

Nebukadnezar uyero lembe man ewacu kumae, Mugisa bed ni Mungu pa Cadrak, ku Mecak, man Abed-nego, m’uoro malaika pare, man ebodho jutic pare m’ugene, man ethiro lem p’ubimo, man ewodho kumgi, kara ku gitim ni mungu mange kadok rwo ire de, ndhu ni Mungu migi ma dhe.

Daniel 6:20

Man kan etundo ceng’ni odumvome ba Daniel, ekok ku dwande mi can; ubimo yero man eweco ni Daniel kumae, E Daniel, jatic pa Mungu ma kwo, Mungu peri, m’itimo ire thiri thiri, ecopo bodhi ni umvori?

Daniel 6:23

Anyong’a ma dit ulund unego ubimo, man eng’olo nia juting’ Daniel malu kud i odumvor. Ka kumeno juting’o Daniel malu kud i odumvor, e gin moko ma rac umbe ma jungwang’u i kume, kum egeno Mungu pare.

Daniel 6:4

Judongo ku jego gilund giyenyo ginwang’ lembe kum Daniel pi ker; ento gicopo nwang’u lembe moko ngo kadok lem ma rac, kum en e mandha, kadok kier moko kadi lem ma rac de junwang’u i ie ngo.

Daniel 6:7

Judongo ceke mi ker, ku jego man judongo, juporthelembe, man jubim, giporo lembe karacelo kara giketh cik ucungi, man kara giketh cik ubed tek, kara ng’atu ma tek bipenjo penji moko ba mungu moko kadi dhanu mi ceng’ pier adek, ndhu i beng’i, E ubimo, jubibole i odumvor.

Mika 7:7

Ento an, abineno ba Yehova; abikuro Mungu mi both para: Mungu para biwinja.

Kitabu Mir Ang’wende Pa Musa Wel 20:16

e kinde ma waywak ba Yehova, ewinjo dwandwa man eoro malaika, e ewo dho wa kud i Misiri: man, nen, wani i Kadec, adhura ma ni i kieu peri ma wi tung’.

Matayo 27:46

Ceng’ni saa mir abung’wende Yesu kok ku dwande ma tek, ewacu kumae, Eli, Eli, lama sabakithani? thelembene kumae, Munguna, Munguna, ikuna nedi

Tic Mi Jukwenda 12:11

E ka wang’ Petro lero, ewacu kumae, Kawono apoi ng’eyo andha, nia Rwoth uoro malaika pare ulara kud i cing’ Herode, man kud i genogen ceke mi dhanu mi Juyahudi.

Tic Mi Jukwenda 24:16

Kum kumeno aponjra gira kara abed ku pidocwiny ma ber m’umbe kier yo ba Mungu ku ba dhanu de thiri thiri.

Tic Mi Jukwenda 27:23

Kum malaika pa Mungu ma an a pare, m’atimo ire bende, ecungo i vuta i diewor maeni,

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

2 Timoteo 4:17

Ento Rwoth re wacungo wakude, man emio ira tego; kara lembe mir anyong’a uyere dit ni kuma, kara Thekdhanumange de ceke giwinji: e aboth ku dhu umvor.

Juebrania 1:14

Gin ceke gi tipo mi timotim ungo, ma juorogi ya gitim tic pi ju ma bicamu pacu mi bothi?

Juebrania 11:33

ma ni kum yioyic ginyono ker mir ubimo, gitimo bedopwe, ginwang’u lembang’ola, gimio dhu umvor,

1 Samwil 17:37

Man Daudi wacu kumae, Yehova m’ubodha kud i cing umvor, man kud i cing undiek, ebibodha kud i cing’ Jafilisti maeni. E Saul uwacu ni Daudi kumae, Cidhi, man Yehova bibedo kudi.

1 Samwil 26:18

Man ewacu kumae, Nedi rwoth para riemo tok jatic pare? kum atimo ang’o? kadi dubo ang’o ma ni i cinga?