Daniel 6:20 - The Holy Bible In Alur (Lur) Revised Orthography

²⁰ Man kan etundo ceng’ni odumvome ba Daniel, ekok ku dwande mi can; ubimo yero man eweco ni Daniel kumae, E Daniel, jatic pa Mungu ma kwo, Mungu peri, m’itimo ire thiri thiri, ecopo bodhi ni umvori?

Daniel 6:20 ပူးပေါင်းရင်းမြစ်များ

Thangambere 18:14

Gin moko nuti ma voyo Yehova? Abidwogo i beng’i i nindo ma jung’olo, i karunyoni ma cen, man Sara bibedo ku nyathin ma nico.

I Lemkei 16:11

Wuyeny Yehova ku tego pare; Wuyeny wang’e awe.

Zaburi 119:112

Aketho adundena kum timo cik peri Mi nja, cil kum kajikne.

Zaburi 146:2

Kinde m’abedo kwo abipaku Yehova: Abiwero pak ni Mungu para kinde m’abedo kwo.

Zaburi 73:23

Ento wabedo karacelo wakudi thiri thiri: Imaku cinga ma yor acwic.

Yeremia 32:17

A Rwoth Yehova! nen, icwio polo ku ng’om ku tego peri ma dit man ku boti m’arieya; gin moko mbe ma tek ma segi,

Daniel 3:15

Nie tek wubedo ayika ya i nindo ma tek wuwinjo dwand agwara, kud ungbalu, ku dongo, kud usegu, ku nanga, kud adungu, ku ba gin ceke ma ywak, wupodho piny man wurwo ni ayi gin m’acwia m’atimo, dre: ento tek wurwo ngo, jubibolowu i saa nica i majuka m’ubogre; man mungu maeno en e ng’a ma bibodhowu kud i cinga?

Daniel 3:17

Tek ebedo kumeni, Mungu mwa ma watimo ire ecopo bodhowa kud i majuka m’ubogre; man ebibodho wa kud i cingi, E ubimo.

Daniel 6:16

E ubimo lund ung’olo, man jukelo Daniel, e gibole i odumvor. Nie ubimo yero man ewacu ni Daniel kumae, Mungu peri m’itimo ire thiri thiri, ebibodhi.

Daniel 6:19

Ubimo lund uai pir kugweno, man ecidho pio ba odumvor.

Daniel 6:26

Atimo cik, nia i bimobim ceke mi ker para kum dhanu miel man lworo neggi i wang’ Mungu pa Daniel; kum en e Mungu ma kwo, man ebedo tek mi nja, ker pare de en e ker ma binyothre ngo; bimobim pare de bibedo cil i kajikne.

Daniel 6:27

Ewodho man ebodho, man etimo giranyutha ku musana i polo man i ng’om m’ebodho Daniel ni tego mir umvor.

Hoseya 12:6

Ka kumeno lokri ba Mungu peri: gwok kisa ku lembapoka, man ikur Mungu peri thiri thiri.

Kitabu Mir Ang’wende Pa Musa Wel 11:23

E Yehova wacu ni Musa kumae, Cing Yehova jiki? kawono ibineno tek lembe para bitimbre iri kadi ungo.

Luka 1:37

Kum lembe moko mbe ma ai ba Mungu ma bibedo umbe tego.

Luka 18:1

Man eyero lembabola igi nia dong’ girwo thiri thiri, cwinygi kud uai;

Tic Mi Jukwenda 6:4

Ento wan re wabibedo mwa ru wi rwo, man i tic mi lembe bende.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

2 Jukorinto 1:10

m’elaruwa kud i tho ma dit kumeni, man ebilaru: e waketho genogen mwa i ie ya ebilaruwa asu bende;

Jukolosai 4:2

Wubed kr kum rwo, ma wuki ko i ie ku foyofoc;

2 Timoteo 1:12

Kum lembe nini abemula ku can kum giki maeni bende: endre lewic ubenega ngo; kum ang’eyo ng’atu m’ayio, man ang’eyo andhandha nia ecopo gwoko lembe m’aketho i kore cil i ceng’ maeca.

Juebrania 7:25

Kum kumeno bende ecopo bodho ju ma gicoro ceng’ni Mungu ndhu ma gwei ni kume, kum ebedo mi nja kara ekwai pigi.

Yakobo 1:25

Ento ng’atu m’ubeneno i cik ma ndhu cu, cik mi gony, m’ebetimo kumeno de asu, ma en e jawinj awinja kende ngo ma wie wil ento e jatim m’ubetimo, ng’atuni bibedo jamugisa kum tic m’etimo.

Yuda 1:24

Nie ni ng’atu ma copo kurowu kara kud wukier, m’ecopo kethowu wang’ dwong’ pare ma lembe mbe i wiwu i mutoro ma dit,