Daniel 6:14 - The Holy Bible In Alur (Lur) Revised Orthography

¹⁴ E kan ubimo winjo lembe maeni, eton i ie dit, man eketho adundene kum Daniel kara ebodhe; e etimo ma tek cil ma ceng’ upodho kara ebodhe.

Daniel 6:14 ပူးပေါင်းရင်းမြစ်များ

I Lemkei 12:35

Man mi Judani ma copo thero lwiny, gi rubanga pier ario wi abora ku dak abusiel.

Ester 3:8

Man Haman uwacu ni ubimo ma Ahasuerus kumae, Dhanu moko nuti m’ukethri mba mba ma julalu de i kind kodhidhanu mi ng’etker ceke mi ker peri; e cik migi tung’ ku maeno mi dhanu ceke; kadok cik p’ubimo de giworo ngo: ka kumeno en e kuloka ngo ni ubimo ya eyigi.

Daniel 1:6

Nie kind joni gi eni, mi nyithindho pa Yuda, Daniel, ku Hanania, ku Micael, man Azaria.

Daniel 3:12

Juyahudi moko nuti m’iketho wi tic mi ng’etker mi Babeli: Cadrak, ku Mecak, man Abed-nego; dhanu maeni, E ubimo, giwori ngo: gitimo ni mungu peri ungo, kadi girwo de ngo ni ayi gin m’acwia mi mola ma kwar m’iketho cungo.

Daniel 3:13

E ndhu ndhu nica Nebukadnezar i ng’ecwiny ku kwinyo pare eng’olo ya jukel Cadrak, ku Mecak, man Abed-nego. Gilund gikelo dhanu maeni i wang’ ubimo.

Marko 6:26

E can unego ubimo dit apila; ento kum kwong’ pare, ku ju ma gibedo dhu cam de, eyenyo ngo ekwere.