Daniel 6:13 - The Holy Bible In Alur (Lur) Revised Orthography

¹³ Gilund giloko lembe man giwacu i wang’ ubimo kumae, Daniel maeno, ma en e mi nyithindho mi ng’eca mi Yuda, ewori ngo, E ubimo, kadok cik m’igoro ayi i wie, ento epenjo penji pare wang’ adek ku ba ceng’.

Daniel 6:13 ပူးပေါင်းရင်းမြစ်များ

Ester 3:8

Man Haman uwacu ni ubimo ma Ahasuerus kumae, Dhanu moko nuti m’ukethri mba mba ma julalu de i kind kodhidhanu mi ng’etker ceke mi ker peri; e cik migi tung’ ku maeno mi dhanu ceke; kadok cik p’ubimo de giworo ngo: ka kumeno en e kuloka ngo ni ubimo ya eyigi.

Daniel 1:6

Nie kind joni gi eni, mi nyithindho pa Yuda, Daniel, ku Hanania, ku Micael, man Azaria.

Daniel 2:25

Ariok ulund utero Daniel i wang’ ubimo pio, man ewacu ire kumae, Anwang’u ng’atu acel mi nyithindho mi ng’eca mi Yuda, ma biewo there ni ubimo.

Daniel 3:11

man ng’atu ma tek upodho piny ungo erwo de ngo, jubibole i majuka m’ubogre.

Daniel 3:12

Juyahudi moko nuti m’iketho wi tic mi ng’etker mi Babeli: Cadrak, ku Mecak, man Abed-nego; dhanu maeni, E ubimo, giwori ngo: gitimo ni mungu peri ungo, kadi girwo de ngo ni ayi gin m’acwia mi mola ma kwar m’iketho cungo.

Daniel 3:8

Kum kumeno i nindo maeca Jukaldayo moko gibino ceng’ni, man gikelo i agobe kum Juyahudi.

Daniel 5:13

Julund jukelo Daniel i wang’ ubimo. Ubimo yero man ewacu ni Daniel kumae, In i Daniel maeno, mi nyithindho mi ng’eca m’uai i Yuda, ma ubimo ma vwa kelo kud i Yuda?

Tic Mi Jukwenda 17:7

ma Yason ujologi; man joni ceke gitimo tung’ ku cik pa Kaisari, giwacu ya ubimo mange nuti, en e Yesu.

Tic Mi Jukwenda 5:29

Ento Petro giku jukwenda wagi de giloko lembe giwacu kumae, Wakoworo Mungu be ma sagu woro dhanu.