Daniel 5:7 - The Holy Bible In Alur (Lur) Revised Orthography

⁷ Ubimo kok ma tek ya jukel juwodhtho, ku Jukaldayo, man jubila. Ubimo yero man ewacu ni jurieko mi Babeli kumae, Ng’atu ma tek bisomo lembagora maeni, man eewo ira there de, ebironjre kud uluga, man ebibedo ku thondh mola ma kwar i ng’ute, man ebibedo jabim mir adege i ker.

Daniel 5:7 ပူးပေါင်းရင်းမြစ်များ

Thangambere 41:8

Man etimbre kugweno nia cwinye ng’abre; e eoro elwong’o weg ajoga ceke mi Misiri, ku dhanu ma jurieko ceke m’i ng’ombe: e Farao yero lek pare igi; ento ng’atu moko mbe ma copo ewo there ni Farao.

Ester 3:1

Yo ng’ei gin maeni ubimo ma Ahasuerus udodo Haman ma wod Hamedatha ma Jaagagi, e eyunge, man eketho kom pare malu ma sagu judongomawijo ceke ma gibedo gikugi.

Ai 7:11

Farac lund ulwong’o jurieko ku weg ajoga bende: e gin bende, gi weg ajoga mi Misiri, gitimo kumeca kud ajoga migi.

Lembrieko 1:9

Kum gibibedo ni ruko mi bero i wii, Man nyoro i ng’uti.

Wer Pa Suleman 1:10

Limbi ber ku yukwii m’akieda, Ng’uti ku thondh jambruko.

Isaya 47:13

Iol i udul lembapora peri: kawono wek jurieko m’i polo, ku jung’i polo, man jung’ei lembe ma ku ba dwi ku ba dwi, gicung malu, man gibodhi ni gin ma biwok i wii.

Yeremia 50:35

Palamularu ni wi Jukaldayo, Yehova wacu, man wi ju m’ubedo i Babeli, man wi judongomawijo pare, man wi jurieko pare.

Ezekiel 16:11

Man aruki ku jambruko, man aketho gwang’ i cingi, ku nyoro i ng’uti,

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Daniel 1:4

awobi ma poyo mbe i kumgi, ento ma cu, man ma riu i rieko ceke, ma ng’eyong’ec de ni kugi, ma ng’eyo girang’eya de, man wagi dhanu ma copo cungo i odker p’ubimo; man kara eponjgi ponji ku dhu Jukaldayo.

Daniel 2:2

E ubimo lund ung’olo ya julwong’ weg ajoga, man juwodhtho, ku jubila, man Jukaldayo, kara giyer the lekne ni ubimo. Ka kumeno gimondo man gicungo i wang’ ubimo.

Daniel 2:27

Daniel uloko lembe i wang’ ubimo, man ewacu kumae, Lembamung’a m’ubimo kwayu, jurieko, kadi weg ajoga, kadi juwodhtho, kadi jueulembe de, copo ewo ngo ni ubimo;

Daniel 2:48

Ubimo lund udwoko Daniel dwong’, man emio ire giramia ma dit: dupa, man eketho ya ebim ng’etker mi Babeli nzu, man ebed jabim ma dit wi jurieko ceke mi Babeli.

Daniel 2:6

Ento tek wutuco lekne ku there de, wubinwang’u giramia i bang’a ku sukulia man yung ma dit: ka kumeno wutuc ira lekne ku there de.

Daniel 4:14

Ekok ma tek, man ewacu kumae, Ng’ol yende piny, lwer ithe de woko, man keth nyinge woko: dong’ yedi ai woko kud i there, man winyo kud i jange.

Daniel 5:11

Ng’atu moko nuti i ker peri, ma tipo mi mungu ma leng’ ni i ie; man i nindo pa wuru der ku ng’eyothelembe ku rieko, calu rieko mi mungu, unwangre i ie; man ubimo ma Nebukadnezar ma wuru, ubimo, awacu, ma wuru, ekethe ni jadit mi weg ajoga, ku juwodhtho, ku Jukaldayo, man jubila;

Daniel 5:15

Nie jurieko, ku juwodhtho, juroyogi i wang’a, kara gisom lembagora maeni, man giketh ang’ei there de; ento gicopo ewo the ginduni ngo.

Daniel 5:16

Ento awinjo piri, nia icopo ewo there, ku daru lembe ma jiji: nie tek icopo somo lembagorane, man iketho ang’ei there de, ibironjri kud uluga, man ibibedo ku thondh mola ma kwar i ng’uti, man ibibedo jabim mir adege i ker.

Daniel 5:29

Belcazar ulund ung’olo, man juronyo Daniel ku kendi m’uluga, man juketho nyoro mi mola ma kwar i ng’ute, man etimo lembang’ola pire, nia ebibedo jabim mir adege i ker.

Kitabu Mir Ang’wende Pa Musa Wel 22:17

kum abidodi ni yung ma dit apila, man gin ceke ma tek iwacu ira abitimo: ka kumeno, akwei, koibin, ilam dhanu maeni ira.

Kitabu Mir Ang’wende Pa Musa Wel 22:7

Man judongo mi Moab ku judongo mi Midian gicidho ku sukulia mi ewo thelembe i cing’gi; man gibino ba Balam, e giyero ire lembe pa Balak.

Kitabu Mir Ang’wende Pa Musa Wel 24:11

Ka kumeno kawono ring i kakeri: nwang’u ia wacu nia adodi ni yung ma dit; ento, nen, Yehova ceri ni yung.

1 Samwil 17:25

E dhanu mir Israel giwacu kumae, Wuneno ng’atu maeni m’uwodhre? ewodhre kara ecai Israel andha: man ebibedo, nia ng’atu m’unege, ubimo bilonye ku lonyo ma dit, man ebimio ire nyare, man ebiketho ot pa won ubed agonya i kind Israel.