Daniel 5:23 - The Holy Bible In Alur (Lur) Revised Orthography

²³ ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 5:23 ပူးပေါင်းရင်းမြစ်များ

Thangambere 14:19

Man emio mugisa ire, man ewacu kumae, Mugisa pa Mungu ma Malu Ngbir, ma jacwi polo ku ng’om, ukwany Abram:

Thangambere 2:7

Man Yehova Mungu cwio ng’atu ma nico kud utur m’i ng’om, man eyuyo lietho mi kwo i ume; e ng’atu ma nicone doko ni ng’eyong’ec ma kwo.

2 Ubimo 14:10

Igoyo Edom andha, man adundeni ting’i malu: luli giri, man ibed thu; kum nedi iyenyo lembe ma bitimi rac, kara ipodhi, en e in, ku Yuda de?

Kitabu Pa Yob 12:10

Ma ng’eyong’ec mi gin ma kwo kubang’e kubang’e ni i cinge, Man yuyo mi nyithi dhanu ceke?

Kitabu Pa Yob 31:4

Eneno yo para ngo, Man ekwanu dakutielo para ceke ngo?

Zaburi 104:29

Ipanu weng’i, cwinygi dieng’; Ikabu yuyo migi, githo, Man gidoko ni utur kakagi.

Zaburi 115:16

Polo gi polo pa Yehova; Ento ng’om emio ni nyithindho mi dhanu.

Zaburi 139:3

Iyenyo yo para ku vuto para, Man ing’eyo yo para ceke

Zaburi 146:4

Yuyo pare wok, man edok ba ng’om pare; I ceng’ maeni nini pidoic pare rwinyo.

Lembrieko 20:24

Woth mi dhanu ni ba Yehova; Dhanu copo ng’eyo yo pare nenedi?

Isaya 13:11

Man abisendo ng’om kum dubone, man judubo kum kier migi: e abijigo tingri mi jukuhaya, man abiredho tingri mi jundiri.

Isaya 14:13

Man iwacu yor i adundeni kumae, Abiidho i polo, abidodo komker para wi cero pa Mungu; man abijany wi got mir udul, i ng’et kajik ma yor ariwa ma malu;

Isaya 2:12

Kum ceng’ pa Yehova mir udul bibedo nuti wi jukuhaya ceke, man wi ju ma wigi pek ceke, man wi dhanu ceke m’utingri; e jubinyone piny;

Isaya 33:10

Kawono abiai, Yehova wacu; kawono abitingra; kawono abidodra.

Isaya 37:19

man gibayu mungu migi i mac: kum gi mungu ngo, ento gi tic mi cing’ dhanu, yen ku kidi; ka kumeno ginyothogi.

Isaya 37:23

Icayu man icido ng’a? man iting’o dwendi ing’ayu weng’i de malu kum ng’a? en e kum Ng’atu Maleng’ mir Israel.

Isaya 42:5

Mungu Yehova, ng’atu m’ucwio polo, m’urieyogi de kpee uwacu kumeni; ng’atu m’upedho ng’om kpee ku gin m’uai i ie; ng’atu m’umio yuyo ni dhanu m’i wie, man tipo ni ju m’uwotho i wie:

Yeremia 10:23

E Yehova, ang’eyo nia yo mi dhanu en e i ie gire ngo; telo wi dakutielo pare mbe ba dhanu ma wotho.

Yeremia 48:26

Wuketh emer: kum etingre kum Yehova: e Moab birudre i ng’ok pare, man en bende ebibedo i cac.

Yeremia 50:28

Dwal mi ju m’uringo man m’uboth kud i ng’om mi Babeli, kara giyer i Sayuni pi culokwor pa Yehova Mungu mwa, en e culokwor mi hekalu pare.

Yeremia 50:29

Wulwong’ weg atum karacelo kum Babeli, dhanu ceke ma gomo atum; wugur hema i kume gbur; kud wuyi ng’atu moko ma pare bothi: wucul i kume calku tic pare; calku gin ceke m’etimo, wutim i kume kumeca; kum etingre ni Yehova, ni Ng’atu Maleng’ mir Israel.

Ezekiel 28:17

Adundeni tingre kum leng’kumi; inyotho rieko peri kum rieny peri: abei i ng’om; akethi i wang’ ju m’ubimo, kara gineni.

Ezekiel 28:2

Wod dhanu, wac ni jaditmawijo mi Turo kumae, Rwoth Yehova wacu kumae: Kum adundeni tingre malu, man iwacu kumae, An a mungu, abedo wi kom pa Mungu, i die nam; ento in i dhanu, man Mungu ngo, kadok iketho adundeni calu adunde Mungu;

Ezekiel 28:5

ku rieko peri ma dit man ku kuloka peri inyayu lonyo peri, man adundeni tingre kum lonyo peri;

Ezekiel 31:10

Ka kumeno Rwoth Yehova wacu kumae: Kum idodri wiu, man eketho wie i kind afuru, man adundene tingre malu i kadongo pare;

Daniel 11:12

Man jubiting’o udulne malu, man adundene bitingre; man ebiredho rubanga apar bang’ apar piny, ento ebiloyo ngo.

Daniel 4:37

Kawono, an a Nebukadnezar, apaku man afoyo man ayungo Ubimo m’i polo; kum tic pare ceke en e andha, man yo pare pwe; e ju m’uwotho ku kuhaya ecopo jwigo.

Daniel 8:11

Eyo, eyungre gire cil ni jadit mir udul; man ekabu woko lam m’awang’a pare ma thiri thiri, man juredho ka mi kamaleng’ pare piny.

Habakuk 2:4

Nen, ng’eyong’ec pare tingre, ebedo pwe i ie ngo; ento won bedopwe bibedo ni kum yioyic pare.

Tic Mi Jukwenda 17:25

kadok ku cing’ dhanu de jutimo ire ngo, calu ya can gin moko benege, kum en e m’emio kwo ni giki ceke, ku lietho m’i igi de, ku gin ceke;

1 Jukorinto 8:4

Kumeno de pi camu gin ma julamu ni ayi gin m’acwia, wang’eyo nia ayi gin m’acwia en e gin moko ngo i ng’om, man ke Mungu acel kende mange mbe.

1 Timoteo 3:6

ng’atu ma foduyio kawono re ngo, kum marmoko ebitingre ebipodho i lembapoka pa Jok.

Juebrania 4:13

Man giracwia pa Mungu mbe ma kunyuthre ngo i wang’e: endre gin ceke gi muneru man gibedo ayaba ngbeng’ i wang’ ng’atu ma wabedo ku lembe wakugi.

Lembanyutha 9:20

Man dong’ dhanu m’udong’, ma junego ngo ku masendi maeni, giloko cwinygi ngo kum tic mi cing’gi, ya ku girwo ba pajogi, kud ayi gin m’acwia mi mola ma kwar, ku mi mola ma tar, ku mi mola, ku mi kidi, ku mi yen: ma kucop neno piny ungo, kadok awinja de giwinjo ngo, kadok awotha de giwotho ngo:

Jupoklembe 16:23

Man judongomawijo mi Jufilisti gicokri karacelo kara githier lam ma dit ni Dagon ma mungu migi, man kara anyong’a neggi; kum giwacu kumae, Mungu mwa ketho Samson ma jadegi mwa i cingwa.

1 Samwil 17:26

E Daudi yero ni dhanu m’ucungo i vute, ewacu kumae, Jubitimo ang’o ni ng’atu m’unego Jafilisti maeni, man ekabu cac woko ku wi Israeli? kum Jafilisti maeni ma jutimo yaa ngo i kume en e ng’a, ma nia ecayu njuru asikari pa Mungu ma kwo e?

1 Samwil 17:36

Jatic peri goyo umvor kud undiek de: man Jafilisti maeni ma jutimo yaa ngo i kume ebibedo calu kindgi acel, kum ecayu njuru asikari pa Mungu ma kwo.