Daniel 5:21 - The Holy Bible In Alur (Lur) Revised Orthography

²¹ man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Daniel 5:21 ပူးပေါင်းရင်းမြစ်များ

Kitabu Pa Yob 39:5

Ng’a ma ofo kana m’i thim agonya? Kadi ng’a ma gonyo twic mi kana mi ng’wec,

Ezekiel 17:24

Man yedhi ceke mi podho bing’eyo nia an, an a Yehova, ajwigo yen ma wiu, adodo yen m’adundo, atalu yen ma numu, man adwoko yen m’utal lep lep: an a Yehova, ayero man atimo maeni.

Daniel 4:14

Ekok ma tek, man ewacu kumae, Ng’ol yende piny, lwer ithe de woko, man keth nyinge woko: dong’ yedi ai woko kud i there, man winyo kud i jange.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:22

en e in, E ubimo, m’idongo idoko tek de; kum dwong’ peri dongo, man etundo cil i polo, man bim peri tundo i kajik mi ng’om.

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:26

Man kum ging’olo nia juwek dund ulag yen; ker peri bibedo giri kokoro, yo ng’ei m’ing’eyo nia polo bimo.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 4:35

man dhanu ceke m’ubedo wi ng’om jukwanugi calu gin moko ngo; man etimo calu ie yenyo i udul m’i polo, man kind ju m’ubedo i ng’om; man ng’atu moko mbe ma copo cero cinge, kadi ma wacu ire kumae, Itimo ang’o?

Daniel 4:37

Kawono, an a Nebukadnezar, apaku man afoyo man ayungo Ubimo m’i polo; kum tic pare ceke en e andha, man yo pare pwe; e ju m’uwotho ku kuhaya ecopo jwigo.

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;