Daniel 5:2 - The Holy Bible In Alur (Lur) Revised Orthography

² Ka Belcazar ubilo pigulok, eng’olo ya jukel agulu mi mola ma kwar ku mola ma tar ma Nebukadnezar ma won uyaku i hekalu ma ni i Yerusalem; kara ubimo ku judongo pare, ku mon pare man mon pare m’araga, gimadh i ie.

Daniel 5:2 ပူးပေါင်းရင်းမြစ်များ

2 Samwil 9:7

E Daudi wacu ire kumae, Lworo kud unegi; kum abinyutho bero iri andha ni kum Yonathan ma wuru, man abidwoko ng’om ceke ma pa Saul i beng’i; man ibicamu kwen dhu mesa para thiri thiri.

2 Ubimo 24:13

Man eyaku pinym’akana ceke m’i ot pa Yehova, ku pinym’akana m’i ot p’ubimo woko ku keca, man etong’o agulu mi mola ma kwar ceke nziki nziki, ma Suleman m’ubimo mir Israel utimo i hekalu pa Yehova, calu Yehova wacu.

2 Ubimo 25:15

Man tabumac, ku tabu, gin ma mi mola ma kwar, i mola ma kwar, man gin ma mi mola ma tar, i mola ma tar, jego mi jukur uyaku.

2 Lemkei 11:20

Man yo ng’eye egamu Maka ma nyar Absalom; man enyolo ire Abija, kud Atai, man Ziza, ku Celomith.

2 Lemkei 15:16

Man Maka bende ma min Asa m’ubimo, ekabe kud ebed min ubimo, kum etimo ayi gin m’acwia ma judagu ni mungu m’araga; e Asa tong’o ayi gin m’acwia pare piny, man edwoke ni utur, e ewang’e dhu kulo Kidron.

2 Lemkei 36:10

Man ka rundi dwogo ubimo ma Nebukadnezar uoro kwenda, ugame utere Babeli, kud agulu ma ber mi ot pa Yehova, man eketho Zedekia m’umin mire ni ubimo wi Yuda ku Yerusalem.

2 Lemkei 36:18

Man agulu ceke mi ot pa Mungu, ma dongo ku ma thindho, ku piny m’akana mi ot pa Yehova, man piny m’akana p’ubimo, man mi judongomawijo pare, maeni ceke etero i Babeli.

Ezra 5:14

Man agulu mi mola ma kwar ku mi mola ma tar bende mi ot pa Mungu, ma Nebukadnezar uwodho kud i hekalu ma ni i Yerusalem, man ekelo i helaku mi Babeli, agulu nica Kuro m’ubimo wodho kud i hekalu mi Babeli, man jukethogi i cing’ ng’atu acel ma nyinge Cecbazar, m’eketho ni jabim;

Yeremia 27:7

E thek ceke bitimo ire, man ni wode, man ni wod wode, maram nindo mi ng’om pare ma dhe bibino ko: e thek dupa man ubimo ma dongo bilund dwoke ni ng’eca igi.

Yeremia 50:35

Palamularu ni wi Jukaldayo, Yehova wacu, man wi ju m’ubedo i Babeli, man wi judongomawijo pare, man wi jurieko pare.

Yeremia 52:19

Ku kikonibe, man dekle mi mac, man atangla, kud agulu, ku thethala, man lupau, ku tabu; gin ma mi mola ma kwar, i mola ma kwar, man gin ma mi mola ma tar, i mola ma tar, jego mi jukur ucidho ko.

Daniel 1:2

Man Rwoth umio Yehoiakim m’ubimo mi Yuda i cinge, karacelo kud agulu moko mi ot pa Mungu; man eterogi i ng’om mi Cinar ba ot pa mungu pare; e ekelo agulu i ot kanpiny pa mungu pare.

Daniel 5:11

Ng’atu moko nuti i ker peri, ma tipo mi mungu ma leng’ ni i ie; man i nindo pa wuru der ku ng’eyothelembe ku rieko, calu rieko mi mungu, unwangre i ie; man ubimo ma Nebukadnezar ma wuru, ubimo, awacu, ma wuru, ekethe ni jadit mi weg ajoga, ku juwodhtho, ku Jukaldayo, man jubila;

Daniel 5:13

Julund jukelo Daniel i wang’ ubimo. Ubimo yero man ewacu ni Daniel kumae, In i Daniel maeno, mi nyithindho mi ng’eca m’uai i Yuda, ma ubimo ma vwa kelo kud i Yuda?

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 5:3

Gilund gikelo agulu mi mola ma kwar ma juyaku i hekalu mi ot pa Mungu ma ni i Yerusalem; e ubimo ku judongo pare ku monde man monde m’araga, gimadhu kud i igi.

Daniel 5:30

I diewor nica junego Belcazar m’ubimo mi Jukaldayo.

Daniel 5:4

Gimadhu pigulok, man gipaku mungu mi mola ma kwar, ku mi mola ma tar, ku mi mola, man mi nyunyu, ku mi yen, man mi kidi.

Kitabu Mir Ang’wende Pa Musa Wel 7:79

girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo;