Daniel 5:16 - The Holy Bible In Alur (Lur) Revised Orthography

¹⁶ Ento awinjo piri, nia icopo ewo there, ku daru lembe ma jiji: nie tek icopo somo lembagorane, man iketho ang’ei there de, ibironjri kud uluga, man ibibedo ku thondh mola ma kwar i ng’uti, man ibibedo jabim mir adege i ker.

Daniel 5:16 ပူးပေါင်းရင်းမြစ်များ

Thangambere 40:8

E giwacu ire kumae, Waleko lek, man ng’atu moko mbe ma copo ewo there. Man Yusuf uwacu igi kumae, Ewo there ni ba Mungu ngo? yere ira, akwayuwu.

Thangambere 41:15

E Farao wacu ni Yusuf kumae, Aleko lek, e ng’atu moko mbe ma copo ewo there: man awinjo piri, nia kan iwinjo lek icop o ewo there.

Thangambere 41:42

Man Farao wodho lagith mir ayine kud i cinge, man eroye i cing’ Yusuf, man eronye ku kendi mi bongu ma nwang’ ma ber, e ebolo nyoro mi mola ma kwar i ng’ute;

Daniel 2:48

Ubimo lund udwoko Daniel dwong’, man emio ire giramia ma dit: dupa, man eketho ya ebim ng’etker mi Babeli nzu, man ebed jabim ma dit wi jurieko ceke mi Babeli.

Daniel 2:6

Ento tek wutuco lekne ku there de, wubinwang’u giramia i bang’a ku sukulia man yung ma dit: ka kumeno wutuc ira lekne ku there de.

Daniel 5:29

Belcazar ulund ung’olo, man juronyo Daniel ku kendi m’uluga, man juketho nyoro mi mola ma kwar i ng’ute, man etimo lembang’ola pire, nia ebibedo jabim mir adege i ker.

Daniel 5:7

Ubimo kok ma tek ya jukel juwodhtho, ku Jukaldayo, man jubila. Ubimo yero man ewacu ni jurieko mi Babeli kumae, Ng’atu ma tek bisomo lembagora maeni, man eewo ira there de, ebironjre kud uluga, man ebibedo ku thondh mola ma kwar i ng’ute, man ebibedo jabim mir adege i ker.

Daniel 6:2

man judongo adek ni i wigi, ma Daniel en e acel m’i kindgi; kara jubim maeni copo mio kwan migi igi, man kara ruvwa moko kud ukwany ubimo.

Tic Mi Jukwenda 8:18

Nie ka Simon uneno ya Tipo Maleng’ umire ni kum cing’ ma jukwenda ketho, ewodho igi sente,