Daniel 5:1 - The Holy Bible In Alur (Lur) Revised Orthography

¹ Belcazar m’ubimo timo agba ma dit ni judongo pare rubanga, man emadhu pigulok i wang’ rubangane.

Daniel 5:1 ပူးပေါင်းရင်းမြစ်များ

Thangambere 40:20

Man etimbre i ceng’ mir adege, ma en e ceng’ ma junyolo ie Farao, nia etimo agba ni jutic pare ceke: man eting’o jami giramadha ma jadit man jatedo ma jadit i kind jutic pare.

Ester 1:3

i oro mir adege mi camuker pare, etimo agba ni judongomawijo pare ceke ku jutic pare de; tego mir Ajemi ku Medi, dhanu ma weg dwong’ ku judongomawijo mi ng’etker, gini i wang’e;

Isaya 22:12

Man i ceng’ maeca Rwoth, Yehova mir udul, ulwong’o ywak ubed nuti, ku goyonduru, ku wie m’uwang’, man twic ma ku gonia:

Isaya 22:14

Man Yehova mir udul unyuthre gire i itha kumae, Andha kier maeni jubiweko iwu ngo maram wutho ko, Rwoth, Yehova mir udul, uwacu.

Yeremia 50:35

Palamularu ni wi Jukaldayo, Yehova wacu, man wi ju m’ubedo i Babeli, man wi judongomawijo pare, man wi jurieko pare.

Yeremia 51:39

Kinde ma gidoko lieth, abitimo agba migi, man abimerogi, kara anyong’a neggi, man ginind nindo ma nja, man ku giceu, Yehova wacu.

Yeremia 51:57

Abimero judongomawijo pare ku giramadha, man jurieko pare, ku jego pare, man jubim pare, ku jurukara pare; man gibinindo ku nindo mi nja, man gibiceu ngo, Ubimo, ma nyinge Yehova mir udul, uwacu.

Daniel 5:30

I diewor nica junego Belcazar m’ubimo mi Jukaldayo.

Nahum 1:10

Kum ka gimoko calu ukudho, gimer de calu ku giramadha migi, giwang’ pet calu soka m’uthwo.