Daniel 4:4 - The Holy Bible In Alur (Lur) Revised Orthography

⁴ An, a Nebukadnezar, abeyom i ot para, man lembe bedo ira miero i odker para.

Daniel 4:4 ပူးပေါင်းရင်းမြစ်များ

Isaya 56:12

Wubin, giwacu, abikelo pigulok, man wabiyengra giwa ku giramadha ma lake tek; e urwo bibedo calu ceng’ maeni, ceng’ ma dit ma sagu mukero.

Yeremia 48:11

Moab ubedo yo ugambre i aradu pare, man ebedo wi thing’ pare, man jukonje ngo ku i agulu wadi, kadok i ng’eca de ecidho ngo: ka kumeno girabilane dong’ i ie, man ng’wice lokre ngo.

Ezekiel 28:17

Adundeni tingre kum leng’kumi; inyotho rieko peri kum rieny peri: abei i ng’om; akethi i wang’ ju m’ubimo, kara gineni.

Ezekiel 29:3

yer, man iwac kumae, Rwoth Yehova wacu kumae: Nen, an a jadhogi, Farao m’ubimo mi Misiri, thwol ma dit m’uvuto i die kulo pare, m’uwacu kumae, Kulo para en e para gira, man atime ira gira.

Daniel 2:11

Man en e gin m’umbe mi ceng’ ceke ma ubimo kwayu, man ng’atu mange mbe ma copo nyutho lembene wang’ ubimo, ndhu mungu re, kabedo migi ni karacelo ku weg kum ungo.

Daniel 4:19

Daniel ma nyinge Beltecazar, dhoge tal nyangba, man pidoic pare ng’abu cwinye. Ubimo loko lembe man ewacu kumae, Beltecazar, kud iwek lek, kadi ewothere de, ung’ab cwinyi. Beltecazar uloko lembe man ewacu kumae, Rwoth para, lekne bed ni ju m’udegi, ewothere de ni jusendni.

Daniel 5:8

Jurieko p’ubimo ceke gilund gimondo; ento gicopo somo lembagorane ngo, kadi gicopo ketho ubimo ng’ei there de ngo.

Zefania 1:12

Man ebitimbre i nindo maeca, nia abiyenyo i Yerusalem ku thala; man abisendo dhanu ma gigwokri gigi, ma giwacu yor i adundegi kumae, Yehova bitimo ber ungo, kadok rac de ebitimo ngo.