Daniel 4:36 - The Holy Bible In Alur (Lur) Revised Orthography

³⁶ I nindo maeca ng’eyothlembe para dwogo i bang’a; man pi dwong’ mi ker para, yung para ku rieny de dwogo i bang’a; man juporlembe para ku judongo para giyenyo i bang’a; e abedo tek i ker para, man dwong’ ma dit umedre ira.

Daniel 4:36 ပူးပေါင်းရင်းမြစ်များ

Kitabu Pa Yob 13:12

Wec mu mi poi gi lembrieko mi vuru, Gang’ mu en e gang’ mir ulobo.

Lembrieko 22:4

Sukulia mi bedomol man lworo Yehova En e lonyo, ku yung, man kwo.

Daniel 2:31

In, E ubimo, ineno, man, nen, ayi gin m’acwia ma dit. Ayi gin m’acwia maeni, ma en e dit, ma rienyne ber hai, ecungo i weng’i; man ayine en e gin ma ng’oyo ndiri.

Daniel 4:22

en e in, E ubimo, m’idongo idoko tek de; kum dwong’ peri dongo, man etundo cil i polo, man bim peri tundo i kajik mi ng’om.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Matayo 6:33

Ento ma kwong’a wuyeny ker pare, ku bedopwe pare; man gin maeni ceke bimedre iwu.

2 Jukorinto 4:17

Kum can mwa ma yot, ma nyagwil, etimo iwa ter mi dwong’ ma nja ku nja ma sagu dit apila;

1 Samwil 2:30

Ka kumeno Yehova, Mungu mir Israel, uwacu kumae, Awacu andha nia ot peri, ku ot pa wuru, biwotho i wang’a mi nja: ento kawono Yehova wacu kumae, Dong’ ebed bor ira; kum ju m’uyunga abiyungogi, man ju m’ucaya jubikwanugi ni gin moko ngo.