Daniel 4:34 - The Holy Bible In Alur (Lur) Revised Orthography

³⁴ Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 4:34 ပူးပေါင်းရင်းမြစ်များ

2 Samwil 22:31

En e Mungu, yo pare ndhu cu: Lembe pa Yehova jumulo i ie; En e ban ni dhanu ceke m’upondo i ie.

I Lemkei 29:10

Kum kumeno Daudi mio mugisa ni Yehova i wang’ cokri ceke: e Daudi wacu kumae, Mugisa bed iri, E Yehova, Mungu mir Israel ma wegwa, mi rondo ku rondo.

I Lemkei 29:13

Ka kumeno kawono, Mungu mwa, wafoi, man wapaku nyingi mi dwong’.

Kitabu Pa Yob 1:21

e ewacu kumae; Awok kud i ma muneru, e abidok de muneru: Yehova mio, e Yehova kabu woko; mugisa bed kum nying’ Yehova.

Zaburi 10:16

Yehova en e Ubimo mi nja ku nja: Thek urwinyo kud i ng’om pare.

Zaburi 102:24

Awacu kumae, E Munguna, kud ikaba woko i die nindo para: Rundi peri tundo kum dhanum’utuk ceke.

Zaburi 107:15

A tek dhanu gipaku Yehova kum mer mi bero pare, Man kum tic pare ma wang’u ijo ni nyithindho mi dhanu!

Zaburi 107:22

Man wek githier lam mi foyofoc, Man giyer pi tic pare ku wer.

Zaburi 107:31

A tek dhanu gipaku Yehova kum mer mi bero pare, Man kum tic pare ma wang’u ijo ni nyithindho mi dhanu!

Zaburi 107:8

A tek dhanu gipaku Yehova kum mer mi bero pare, Man kum tic pare ma wang’u ijo mi nyithindho mi dhanu mire!

Zaburi 111:7

Tic mi cinge gi lemandha ku poko lembe; Cik pare ceke en e andha.

Zaburi 121:1

Abiting’o wang’a malu ba gudi: Kony para biai kani?

Zaburi 123:1

Ating’o wang’a malu i beng’i, E in m’ibedo i polo.

Zaburi 145:13

Ker peri en e ker mi nja, Man bim peri bedo cil kum dhanum’utuk ceke.

Zaburi 146:10

Yehova bicamu ker mi nja, E Sayuni, Mungu peri cil kum dhanum’uthuk ceke. Wupak Yehova.

Zaburi 50:14

Thier lam mi foc ni Mungu; Man itim lembang’ola peri ni Ng’atu ma Malu Ngbir;

Zaburi 66:7

Ebimo ku tego pare mi nja; Wang’e neno thek: Juco ku gitingri gigi. [Sela.

Zaburi 7:17

Abifoyo Yehova calku bedopwe pare, Man abiwero pak ni Yehova ma Malu Ngbir.

Zaburi 9:2

Anyong’a binega man abilula ni kumi; Abiwero pak ni nyingi, E in i Ng’atu ma Malu Ngbir.

Zaburi 92:1

En e gin ma ber ya jufoi Yehova, Ya juwer pak de ni nyingi, E Ng’atu ma Malu Ngbir;

Isaya 13:11

Man abisendo ng’om kum dubone, man judubo kum kier migi: e abijigo tingri mi jukuhaya, man abiredho tingri mi jundiri.

Isaya 2:11

Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Isaya 24:15

Kum kumeno yung Yehova yo nyangu, cil nying’ Yehova, Mungu mir Israel, i cula mi nam.

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Ywak 3:38

Gin ma ber ku gin ma rac wok kud i dhu Ng’atu ma Malu Ngbir ungo?

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 4:2

Ebedo ber ira ninyutho giranyutha ku musana ma Mungu ma Malu Ngbir utimo i bang’a.

Daniel 4:26

Man kum ging’olo nia juwek dund ulag yen; ker peri bibedo giri kokoro, yo ng’ei m’ing’eyo nia polo bimo.

Daniel 4:3

Giranyutha pare dit mire ma! musana pare tek mire ma! ker pare en e ker mi nja, bimobim pare ugambre kum dhanum’utuk cil kum dhanum’utuk.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:36

I nindo maeca ng’eyothlembe para dwogo i bang’a; man pi dwong’ mi ker para, yung para ku rieny de dwogo i bang’a; man juporlembe para ku judongo para giyenyo i bang’a; e abedo tek i ker para, man dwong’ ma dit umedre ira.

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 5:21

man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Daniel 6:26

Atimo cik, nia i bimobim ceke mi ker para kum dhanu miel man lworo neggi i wang’ Mungu pa Daniel; kum en e Mungu ma kwo, man ebedo tek mi nja, ker pare de en e ker ma binyothre ngo; bimobim pare de bibedo cil i kajikne.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Daniel 9:14

Ka kumeno Yehova kuro wi lembe ma rac, man ekele i wiwa; kum Yehova Mungu mwa e pwe i tic pare ceke m’etimo, man waworo dwande ngo.

Yona 1:14

Kum kumeno gilwong’o Yehova, giwacu kumae, Wakwei, E Yehova, wakwei, kud iyi warwiny kum kwo pa ng’atu maeni man kud iketh rimo m’umbe dubo i wiwa; kum in, E Yehova, itimo calu ii yenyo.

Mika 4:7

man abiketho m’abala ni i kume ni donge, man ma jubayu ni thek ma tek: man Yehova bicamu ker i wigi wi got Sayuni ugambre i nindo maeca cil rondo ku rondo.

Luka 1:33

Man ebicamu ker wi ot pa Yakobo mi nja; kajik mi ker pare de bibedo umbe.

Luka 18:13

Ento won ajok, ucungo bor cen, eyio ting’o wang’e malu i polo de ngo, endre edhongo kore, ewacu kumae, Mungu, dong’ kisa negi i kuma an a jadubo.

Yohana 5:26

Kum calu Wego bedo ku kwo i ie gire, cil kumeno emio ni Wod bende ku kwo i ie gire:

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

1 Timoteo 1:17

Nie dong’ yung ku dwong’ bende ubed ni Ubimo rondo ku rondo, m’etho ngo, m’enen ungo, m’e Mungu e kende, rondo ku rondo. Amen.

1 Timoteo 6:16

m’e won kwo ma rondo ku rondo, m’ebedo i der ma jukucoptundo i vute ngo; ma ng’atu moko foduneno ngo, kadi m’ecopo nendre de ngo: yung ubed ire ku tego rondo ku rondo. Amen.

Lembanyutha 10:6

man ekwong’o kwong’ ku ng’atu ma bedo rondo ku rondo, m’ecwio polo ku giki m’i ie, ku ng’om man giki m’i ie, ku nam de man giki m’i ie, ya galu bidong’ bedo nuti kendo ngo:

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,