Daniel 4:3 - The Holy Bible In Alur (Lur) Revised Orthography

³ Giranyutha pare dit mire ma! musana pare tek mire ma! ker pare en e ker mi nja, bimobim pare ugambre kum dhanum’utuk cil kum dhanum’utuk.

Daniel 4:3 ပူးပေါင်းရင်းမြစ်များ

Kitabu Pa Yob 25:2

Bim ku lworo ni karacelo kude; Etimo kwiocwiny i ka ma malu pare.

Zaburi 104:24

E Yehova, tic peri ku diti! Itimogi ceke ku rieko: Ng’om upong’ ku giracwia peri.

Zaburi 105:27

Giketho giranyutha pare i kindgi, Ku musana i ng’om pa Ham.

Zaburi 145:13

Ker peri en e ker mi nja, Man bim peri bedo cil kum dhanum’utuk ceke.

Zaburi 66:7

Ebimo ku tego pare mi nja; Wang’e neno thek: Juco ku gitingri gigi. [Sela.

Zaburi 72:18

Mugisa ni Yehova Mungu, Mungu mir Israel, M’e kende m’etimo gin ma wang’uijo;

Zaburi 77:19

Yo peri bedo i nam, Man yo peri i pi ma dit, Man dakutielo peri jung’eyo ngo.

Zaburi 86:10

Kum in i dwong’, man itimo gin ma wang’u ijo: In i Mungu i kendi.

Zaburi 92:5

E Yehova, tic peri dwong’ mire ma! Pidoic peri thuth hai.

Isaya 25:1

Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

Isaya 28:29

Maeni bende ai ku ba Yehova mir udul, m’ewang’u ijo i lembapora, man m’e ber hai i rieko.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Daniel 2:2

E ubimo lund ung’olo ya julwong’ weg ajoga, man juwodhtho, ku jubila, man Jukaldayo, kara giyer the lekne ni ubimo. Ka kumeno gimondo man gicungo i wang’ ubimo.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Jurumi 11:33

Ei karamb thuth mi lonyo mi rieko ku ng’eyong’ec pa Mungu mire ma! karamb pokolembe pare ma yenjre ngo, man yo pare de ma lure ngo!

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

1 Timoteo 1:17

Nie dong’ yung ku dwong’ bende ubed ni Ubimo rondo ku rondo, m’etho ngo, m’enen ungo, m’e Mungu e kende, rondo ku rondo. Amen.

Juebrania 1:8

ento pi Wod re ewacu kumae, E Mungu, komker peri en e mi rondo ku rondo; Man uluth mi lembatira en e uluth mi ker peri.

Juebrania 2:4

Mungu bende ginyutho gikugi, ku giranyutha ku musana man udul tego de, man ku giramia mi Tipo Maleng’, calku yeny ma ie yenyo gire.

1 Petro 4:11

tek ng’atu moko yero, eyer calu en e wec pa Mungu; tek ng’atu moko timo, etim calu mi tego ma Mungu mio: kara juyung Mungu i gin ceke ni kum Yesu Kristu, ma dwong’ ku kero ubedo pare rondo ku rondo. Amen.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.