Daniel 4:2 - The Holy Bible In Alur (Lur) Revised Orthography

² Ebedo ber ira ninyutho giranyutha ku musana ma Mungu ma Malu Ngbir utimo i bang’a.

Daniel 4:2 ပူးပေါင်းရင်းမြစ်များ

Kitabu Pa Yob 7:14

E ilund inyayu ndiri i ia ku lek, Man idwoka tipo ku ginmawokiwang’:

Zaburi 51:14

Bodha ni dubo mi nek, E Mungu, in i Mungu mi both para; Man leba biwero ma tek pi bedopwe peri.

Zaburi 65:9

Iliewo ng’om, man ikwoyo wie pi, Idwoke mio hai; Kulo pa Mungu pong’ ku pi: Iketho cam uwok igi, kinde m’iyiko ng’om kumeni.

Zaburi 66:16

Wubin, man wuwinji, wun ceke ma wulworo Mungu, Man abiyero pi gin m’etimo ni ng’eyong’ec para.

Zaburi 71:18

Eyo, cil kinde m’ati man wia ju lwar, E Mungu, kud ikuna, Cil m’abiyero pi tego peri ni dhanum’utuk mange, Pi tego peri ni dhanu ceke m’ubino kubang’gi kubang’gi.

Daniel 2:1

Man i rundi mir arionde mi camuker pa Nebukadnezar, Nebukadnezar uleko lek; e cwinye ng’abre, man nindo lal i wang’e.

Daniel 3:26

Nebukadnezar ulund ucoro ceng’ni dhu majuka m’ubogre: eyero man ewacu kumae, Cadrak, ku Mecak, man Abed-nego, wu jutic pa Mungu ma Malu Ngbir, wuwok woko, wubin kue. E Cadrak, ku Mecak, man Abed-nego gilund giwok woko kud i die mac.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:24

maeni en e there, E ubimo, man en e cik pa Ng’atu ma Malu Ngbir, m’uwok kum rwoth para m’ubimo:

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 6:27

Ewodho man ebodho, man etimo giranyutha ku musana i polo man i ng’om m’ebodho Daniel ni tego mir umvor.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Yohana 4:48

E Yesu wacu ire kumae, Tek wuneno giranyutha ku musana de ngo, wubiyio ki ngo.

Yocuwa 7:19

E Yocuwa wacu ni Akan kumae, Woda, akwei, mi dwong’ ni Yehova, Mungu mir Israel, man ituc ire; yer ira kawono pi gin m’itimo; kud imung’e ira.