Daniel 4:18 - The Holy Bible In Alur (Lur) Revised Orthography

¹⁸ Lek maeni, an a ubimo ma Nebukadnezar, aneno; man in, E Beltecazar cu there, kum jurieko ceke mi ker para gicopo ketho ang’ei there ngo; ento icopo; kum tipo mi mungu ma leng’ ni ii.

Daniel 4:18 ပူးပေါင်းရင်းမြစ်များ

Thangambere 40:12

E Yusuf uwacu ire kumae, Maeni en e there: jange adek en e ceng’ adek;

Thangambere 41:15

E Farao wacu ni Yusuf kumae, Aleko lek, e ng’atu moko mbe ma copo ewo there: man awinjo piri, nia kan iwinjo lek icop o ewo there.

Thangambere 41:8

Man etimbre kugweno nia cwinye ng’abre; e eoro elwong’o weg ajoga ceke mi Misiri, ku dhanu ma jurieko ceke m’i ng’ombe: e Farao yero lek pare igi; ento ng’atu moko mbe ma copo ewo there ni Farao.

Isaya 19:3

E cwiny Misiri bijik i diere; man abinyotho lembaporane: e gibiyenyo ba mungu m’araga man bang’ ajoga, man ba ju ma weg tipo, man ba jucwitho.

Daniel 1:20

Man ku ba lembe ceke mi rieko ku ng’eyothelembe, m’ubimo penjo kogi, enwang’u nia gisagu weg ajoga ku juwodhtho ma ni i ker pare ceke wang’ apar.

Daniel 2:38

man ka ceke ma tek nyithindho mi dhanu bedo i ie, yedi m’i thim ku winyo m’i polo emio i cingi, man eketho icamu ker i wigi ceke: in i wie mi mola ma kwar.

Daniel 2:7

Giloko lembe wang’ arionde giwacu kumae, Dong’ ubimo yer lekne ni jutic pare, e wabiyero there.

Daniel 5:15

Nie jurieko, ku juwodhtho, juroyogi i wang’a, kara gisom lembagora maeni, man giketh ang’ei there de; ento gicopo ewo the ginduni ngo.

Daniel 5:8

Jurieko p’ubimo ceke gilund gimondo; ento gicopo somo lembagorane ngo, kadi gicopo ketho ubimo ng’ei there de ngo.

Amos 3:7

Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.