Daniel 4:16 - The Holy Bible In Alur (Lur) Revised Orthography

¹⁶ wek adundene lokre tung’ kud adunde dhanu, man wek adunde yedi mire ire; man wek nindo abiro kadh i wie.

Daniel 4:16 ပူးပေါင်းရင်းမြစ်များ

2 Samwil 18:32

Man ubimo wacu ni Jakuci kumae, Jalawobi ma Absalom ubedo beri? E Jakuci loko lembe kumae, Jukwoj rwoth para m’ubimo, ku dhanu ceke m’ujai i kumi kara gitimi rac, ubed calu jalawobi maeni bedo.

Isaya 6:10

Dwok adunde dhanu maeni mio, man dwok ithgi pek, man mi wang’gi; gimaru neno ku wang’gi, man gimaru winjo ku ithgi, man gimaru ng’eyo ku cwinygi, man gimaru lokri kendo, man gimaru cangu.

Daniel 11:13

E ubimo ma yor ariwa ma malu bidok, man ebiwodho udul ma dit ma sagu ma kwong’a; man ebibino i kajik mi nindo, en e rundi, ku njuru asikari ma dit man ku lonyo ma dit.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 4:23

Man kan ubimo neno jakur ku ng’atu ma leng’ m’uloro kud i polo, man uwacu kumae, Wung’ol yende piny, man wunyothe; ento wuwek dund ulage i ng’om, karacelo ku gwang’ mi nyunyu mi mola de, i lum ma lep lep m’i thim, man wek kume bed ng’ic ku thoi m’i polo; man wek makapiny pare bed karacelo ku yedi m’i thim, maram nindo abiro kadh ko i wie;

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 7:28

Maeni kajik mi lembene. An a Daniel, pidoic para ng’abu cwinya dit, man wang’a lokre i ia; ento akanu lembene i adundena.

Juebrania 1:11

Gibinyothri; ento in idong’ asu: Man gin ceke gibiti calu bongu ti;

Lembanyutha 12:14

Man jumio bomb acur ma dongo ario ni dhakune, kara ering i yamba i kakare, ka ma jugwoke i ie pi nindo, man ungu nindo, man ng’et nindo, kud i wang’ thwol.