Daniel 4:14 - The Holy Bible In Alur (Lur) Revised Orthography

¹⁴ Ekok ma tek, man ewacu kumae, Ng’ol yende piny, lwer ithe de woko, man keth nyinge woko: dong’ yedi ai woko kud i there, man winyo kud i jange.

Daniel 4:14 ပူးပေါင်းရင်းမြစ်များ

Kitabu Pa Yob 24:20

Le biparu pire ngo; Ukoko bicame mit; Jubipoi pire kendo ngo; Man gondri bitur calu yen.

Yeremia 27:5

Acwio ng’om, dhanu ku yedi ma ni wi wang’ ng’om, ku tego para ma dit man ku bota m’arieya; man amie ni ng’atu m’emaku piny ira ya amie ire.

Yeremia 51:6

Wuring kud i die Babeli, man ku ba dhanu ku ba dhanu ng’atuman ubodh kwo pare; kud wukebru woko ni kum kier pare: kum en e nindo mi culokwor pa Yehova; ebiculo kwor i kume.

Yeremia 51:9

Kuno di wacangu Babeli, ento ecangre ngo: wuweke, man wek wacidh kubang’wa kubang’wa ng’atuman i ng’om thugi ma dhe; kum lembapoka pare tundo kum polo, man juting’e malu cil kum afuru.

Ezekiel 31:10

Ka kumeno Rwoth Yehova wacu kumae: Kum idodri wiu, man eketho wie i kind afuru, man adundene tingre malu i kadongo pare;

Daniel 2:21

Man eloko nindo ku oro; ekabu ju m’ubimo, man eketho ju m’ubimo; emio rieko ni jurieko, man ng’eyong’ec ni ju ma ng’eyothelembe ni kugi;

Daniel 3:4

Jakwenda lund ukok ma tek kumae, Jung’olo iwu, E kodhidhanu, ku thek man dhok,

Daniel 4:12

Ithe de ber, nyinge de dit, man cemo mi giki ceke ni i ie: yedi m’i thim ginwang’u tipo i there, winyo ma kor polo de gibedo i jange, man kum ceke gicamu i bang’e.

Daniel 4:23

Man kan ubimo neno jakur ku ng’atu ma leng’ m’uloro kud i polo, man uwacu kumae, Wung’ol yende piny, man wunyothe; ento wuwek dund ulage i ng’om, karacelo ku gwang’ mi nyunyu mi mola de, i lum ma lep lep m’i thim, man wek kume bed ng’ic ku thoi m’i polo; man wek makapiny pare bed karacelo ku yedi m’i thim, maram nindo abiro kadh ko i wie;

Daniel 4:29

Ka dwi apar wi ario thum ebewotho i odker mi Babeli.

Daniel 5:20

Ento kan adundene tingre malu, man cwinye doko tek ketho etimo ku kuhaya, jukabe ku wi komker mir ubimo, man jukabu dwong’ i bang’e:

Daniel 5:21

man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Matayo 3:10

Meni cil kawono lei uvuto ther ulag yen: ka kumeno ku ba yen ceke m’ucego nyinge ma ber ungo jung’ole piny, jubole de i mac.

Matayo 7:19

Ku ba yen ceke ma cego nyinge ma ber ungo jung’ole piny, jubole de i mac.

Luka 3:9

Cil kawono de lei ubedo ther ulag yedhi: ka kumeno ku ba yen ceke m’ucego nyinge ma ber ungo jung’ole piny, jubole i mac de.

Lembanyutha 10:3

man ekok ku dwal ma dit, calu umvor m’ubeywak: man kan ekok, e morpolo abiro weco ku dwandgi.

Lembanyutha 18:2

Man ekok ku dwande ma tek, ewacu kumae, Babeli ma dit, upodho, upodho, man edoko ni kabedo mi pajogi, man kol mi tipo m’ucido kubang’gi nzu, man kol mi winyo m’ucido ma judagu kubang’gi nzu.