Daniel 4:13 - The Holy Bible In Alur (Lur) Revised Orthography

¹³ Aneno i ginmawokiwang’ mi wia wi kavuto para, man, nen, jakur acel ku ng’atu ma leng’ acel uloro piny kud i polo.

Daniel 4:13 ပူးပေါင်းရင်းမြစ်များ

Kitabu Pa Yob 12:24

Ekabu ng’eyong’ec woko ku ba rwodhi mi dhanu m’i ng’om, Man eketho giwiri i langa ka ma yo mbe i ie.

Zaburi 103:20

Wumi mugisa ni Yehova, wu malaika pare, Wun ma wu tek i tego, ma wutimo lembe pare kakare, Ma wubewinjo badwal mi lembe pare.

Zaburi 89:7

Mungu ma jang’oindiri ma dit i dilo mi jumaleng’, Ma maku julwore ma sagu dhanu ceke m’utieke gburi?

Daniel 4:10

Ginmawokiwang’ mi wia wi kavuto para ubedo kumae: Aneno, man, nen; yen ucungo i die ng’om; man kadongone dit.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:23

Man kan ubimo neno jakur ku ng’atu ma leng’ m’uloro kud i polo, man uwacu kumae, Wung’ol yende piny, man wunyothe; ento wuwek dund ulage i ng’om, karacelo ku gwang’ mi nyunyu mi mola de, i lum ma lep lep m’i thim, man wek kume bed ng’ic ku thoi m’i polo; man wek makapiny pare bed karacelo ku yedi m’i thim, maram nindo abiro kadh ko i wie;

Daniel 4:5

Aneno lek m’unega ku lworo; man pidoic wi kavuto para ku ginmawokiwang’ mi wia ung’abu cwinya.

Daniel 7:1

I rundi ma kwong’ane pa Belcazar m’ubimo mi Babeli Daniel uneno lek ku giranena m’uwok i wie wi kavuto pare: elund egoro lekne man eyero min giki maeni.

Daniel 7:17

Ewacu kumae, Yedi ma dongo maeni, ma gin ang’wen, gin ubimo ang’wen, ma biai kud i ng’om.

Daniel 7:23

Ewacu kumae, Yedi mir ang’wende bibedo ker mir ang’wende wi ng’om ma bibedo tung’ ku ker ceke, man ebicamu ng’om yu, man ebinyone piny, ebiture de nziki nziki.

Daniel 8:13

Alund awinjo ng’atu acel ma leng’ ubeweco; man ng’atu ma leng’ acel mange wacu ni ng’atu maeno m’uweco kumae, Ginmawokiwang’ pi lam m’awang’a ma thiri thiri, ku kier ma timo nyoth, bibedo rokani, ma jumio ko kamaleng’ kud udul ya junyon the tielo?

Zekaria 14:5

Man wubiringo kud i poga mi got para; kum poga mi got bitundo kum Azel; eyo, wubiringo, calu wuringo kud i wang’ digidi i nindo pa Uzia m’ubimo mi Yuda; e Yehova Mungu para bibino, ku ju ma leng’ ceke gikugi.

Matayo 25:31

Ento ka Wod dhanu bibino i dwong’ pare, ku malaika ceke gikugi, ebilund jany wi komker mi dwong’ pare:

Marko 1:24

ewacu kumae, Lembe mwa ang’o wakudu, in i Yesu ma Janazareti? ibino ninyothowa? ang’ei in i ng’adi, ma Ng’atu Maleng’ pa Mungu.

Luka 4:34

Ha! Yesu in ma Janazareti, wabedo ku lembang’o wakudi? ibino nyothowa? Ang’ei in i ng’adi, Ng’atu Maleng’ pa Mungu.

Poi Mi Cik 33:2

Ewacu kumae, Yehova ai i Sinai, Eai i kumgi kud i Seir; Erieny ku wi got Paran, Man eai kud i kind jumaleng’ rubanga apar: Cik mi mac ni yor i cinge ma yor acwic igi.

Yuda 1:14

Man Enok bende, ma ng’atu mir abirone yo ng’ei Adamu, eewo ni joni, ewacu kumae, Nen, Rwoth ubino ku jupare ma leng’ rubanga apar,

Lembanyutha 14:10

en bende ebimadhu kum pigulok mi kwinyo pa Mungu, m’ubedo ayika m’ajeba ngo i kikombe mi ng’ecwiny pare; man jubimie ndiba ma ku mac man muganga i wang’ malaika maleng’, man i wang’ Nyathi Rombo: