Daniel 4:1 - The Holy Bible In Alur (Lur) Revised Orthography

¹ Nebukadnezar m’ubimo, ni kodhidhanu ceke, ku thek ceke, man dhok ceke, m’ubedo i ng’om yu: kwiocwiny umedre iwu.

Daniel 4:1 ပူးပေါင်းရင်းမြစ်များ

I Lemkei 12:18

Tipo lund ubino wi Amasai, ma jadit mi dhanu pier adek, man ewacu kumae, Wan wa peri, Daudi, man wa jubeng’i, in i wod Yese: kwiocwiny, kwiocwiny ubed iri, man kwiocwiny ubed ni ju m’ukonyi; kum Mungu peri bekonyi. E Daudi lund ujologi, man ekethogi ni jego mir udul.

Ezra 4:17

Ubimo lund udwoko lembe ni Rehum ma jadit mi dilo, man ni Cimcai ma jagorcik, man ni dong’ juwadi m’ubedo i Samaria, man i dong’ ng’om ma loka Kulo kumae: Kwiocwiny, ku ma kumeno.

Ezra 5:7

gioro waraga ire, ma jugoro ie kumae: Ni Dario m’ubimo, kwiocwiny ceke.

Ester 3:12

Julund julwong’o jugorcik p’ubimo i dwi mir acende, i ceng’ apar wi adege mi dwije; e jugoro calku gin ceke ma Haman ung’olo ni ju ma gisagri p’ubimo, man ni jubim ma gibedo wi ng’etker kubang’gi kubang’gi, man ni judongomawijo mi dhanu ceke kubang’gi kubang’gi, man ni ng’etker kubang’gi kubang’gi calku gorne, man ni dhanu ceke kubang’gi kiibang’gi calku dhok migi; jugoro ku nying ubimo ma Ahasuerus, man juketho ayi i kume ku lagith p’ubimo.

Ester 8:9

Julund julwong’o jugorcik p’ubimo i nindo maeca, i dwi mir adege, ma en e dwi Sivan i ceng’ pier ario wi adege mi dwije; man jugore calku gin ceke ma Mordekai ng’olo ni Juyahudi, man ni jego, man jubim ku judongomawijo mi ng’etker ma ginuti ugambre kum India cil Kuc, ng’etkeme dak acel ku pier ario wi abiro, ba ng’etker kubang’gi kubang’gi calku gorone, man ku ba dhanu kubang’gi nzu calku dhok migi, man ni Juyahudi calku goro migi, man calku dhok migi.

Daniel 3:29

Ka kumeno atimo cik, nia ku ba kodhidhanu ceke, man thek ceke, ku dhok, ma biyero lem cac moko kum Mungu pa Cadrak, ku Mecak, man Abed-nego, jubithume nziki nziki, man udi migi jubidwoko ni udhuru mi weyo; kum mungu mange robe ma copo bodho calu maeni.

Daniel 3:4

Jakwenda lund ukok ma tek kumae, Jung’olo iwu, E kodhidhanu, ku thek man dhok,

Daniel 6:25

Ubimo ma Dario lund ukiewo ni kodhidhanu ceke, ku thek ceke, man dhok ceke, m’ubedo i ng’om yu kumae, Kwiocwiny umedre iwu.

Daniel 6:27

Ewodho man ebodho, man etimo giranyutha ku musana i polo man i ng’om m’ebodho Daniel ni tego mir umvor.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Zekaria 8:23

Yehova mir udul uwacu kumae: I ceng’ maeca ebitimbre, nia co apar, kud i dhu thek ceke, gibimaku dhu kendi pa Jayahudi, gibiwacu kumae, Wabicidho wakudu, kum wa winjo nia Mungu ni kudu.

Tic Mi Jukwenda 2:6

Man ka ba gin maeni winjre, udul dhanu gicoko dhoggi karacelo, e lembene loyogi, kum dhanu kubang’gi nzu giwinjo gibeweco ku dhu thugi ma dhe.

Jurumi 1:7

ni dhanu ceke ma gini i Rumi, ma jumer pa Mungu, ma julwong’ogi gibed jumaleng’: Bero iwu man kwiocwiny m’uai ba Mungu Wegwa man Rwoth Yesu Kristu.

Juefeso 1:2

Bero iwu man kwiocwiny m’uai ba Mungu ma Wegwa man Rwoth Yesu Kristu.

1 Timoteo 1:2

ni Timoteo, ma nyathin para mandha i yioyic: Bero, ku kisa, man kwiocwiny m’uai ba Mungu ma Wego man Kristu Yesu ma Rwoth mwa.

1 Petro 1:2

calku ng’eyong’ec ma Mungu ma Wego lar ung’eyo, i dwokrileng’ mi Tipo, ni woro ku kir mi rimo pa Yesu Kristu: Bero ku kwiocwiny umedre iwu.