Daniel 3:29 - The Holy Bible In Alur (Lur) Revised Orthography

²⁹ Ka kumeno atimo cik, nia ku ba kodhidhanu ceke, man thek ceke, ku dhok, ma biyero lem cac moko kum Mungu pa Cadrak, ku Mecak, man Abed-nego, jubithume nziki nziki, man udi migi jubidwoko ni udhuru mi weyo; kum mungu mange robe ma copo bodho calu maeni.

Daniel 3:29 ပူးပေါင်းရင်းမြစ်များ

2 Ubimo 10:27

E girwombo mbegi pa Bal piny, man girwombo ot pa Bal piny, gidwoke de ni odbar, cil i ceng’ ma tin.

Ezra 6:11

Atimo cik bende, nia ng’atu ma tek biloko lembe maeni, wek juwodh riu kud i ot pare woko, man wek juting’e malu juliere i wie; man wek ot pare dok ni udhuru weyo pi maeni:

Zaburi 3:8

Both en e pa Yehova: Mugisa peri bedwi dhanu peri. [Sela.

Zaburi 76:10

Andha kwinyo mi dhanu bipeki: Man dong’ kwinyo m’udong’ ibitwiri ko:

Daniel 1:19

Man ubimo giweco kugi; e i kindgi ceke junwang’u jumoko ngo ma calu Daniel, ku Hanania, man Micael kud Azaria: ka kumeno gicungo i wang’ ubimo.

Daniel 1:7

Man jego mi judongo ecaku nying’gi; pa Daniel ecaku Beltecazar; man pa Hanania ecaku Cadrak; man pa Micael ecaku Mecak; man pa Azaria ecaku Abed-nego.

Daniel 2:17

Daniel ulund udok i ot pare, man egonyo lembene ni Hanania, ku Micael man Azaria, ma juwagi:

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 2:49

Man Daniel ukwayu ubimo, man eketho Cadrak, ku Mecak, man Abed-nego, wi tic mi ng’etker mi Babeli: ento Daniel ubedo dhugang’ p’ubimo.

Daniel 2:5

Ubimo dwoko lembe man ewacu ni Jukaldayo kumae, Lembene rwinyo i ia: tek wuketho lekne ng’eire ngo ira ku there de, jubithumowu nziki nziki man jubidwoko udi mu ni uvuru mi weyo.

Daniel 3:12

Juyahudi moko nuti m’iketho wi tic mi ng’etker mi Babeli: Cadrak, ku Mecak, man Abed-nego; dhanu maeni, E ubimo, giwori ngo: gitimo ni mungu peri ungo, kadi girwo de ngo ni ayi gin m’acwia mi mola ma kwar m’iketho cungo.

Daniel 3:15

Nie tek wubedo ayika ya i nindo ma tek wuwinjo dwand agwara, kud ungbalu, ku dongo, kud usegu, ku nanga, kud adungu, ku ba gin ceke ma ywak, wupodho piny man wurwo ni ayi gin m’acwia m’atimo, dre: ento tek wurwo ngo, jubibolowu i saa nica i majuka m’ubogre; man mungu maeno en e ng’a ma bibodhowu kud i cinga?

Daniel 3:17

Tek ebedo kumeni, Mungu mwa ma watimo ire ecopo bodhowa kud i majuka m’ubogre; man ebibodho wa kud i cingi, E ubimo.

Daniel 3:28

Nebukadnezar uyero lembe man ewacu kumae, Mugisa bed ni Mungu pa Cadrak, ku Mecak, man Abed-nego, m’uoro malaika pare, man ebodho jutic pare m’ugene, man ethiro lem p’ubimo, man ewodho kumgi, kara ku gitim ni mungu mange kadok rwo ire de, ndhu ni Mungu migi ma dhe.

Daniel 6:28

Kum kumeno Daniel maeno lembe bedo ire miero i camuker pa Dario, man i camuker pa Kuro ma Jaajemi.

Poi Mi Cik 32:31

Kum cana migi en e calu Cana mwa ngo, Cil judegi mwa gigi ma gi jupoklembe.