Daniel 3:28 - The Holy Bible In Alur (Lur) Revised Orthography

²⁸ Nebukadnezar uyero lembe man ewacu kumae, Mugisa bed ni Mungu pa Cadrak, ku Mecak, man Abed-nego, m’uoro malaika pare, man ebodho jutic pare m’ugene, man ethiro lem p’ubimo, man ewodho kumgi, kara ku gitim ni mungu mange kadok rwo ire de, ndhu ni Mungu migi ma dhe.

Daniel 3:28 ပူးပေါင်းရင်းမြစ်များ

Thangambere 9:26

Man ewacu kumae, Mugisa bed ni Yehova Mungu pa Cem; Man wek Kanan ubed jatic pare.

I Lemkei 5:20

E jukonyogi kum jono, man jumio Juhagri i cing’gi, ku dhanu ceke ma ni i bang’gi; kum gilwong’o Mungu i ali, e ewinjogi, kum giketho genogen migi i kume.

2 Lemkei 20:20

E giai pir kugweno, man gicidho woko i langa mi Tekoa: e kinde ma gicidho woko, Yehocafat ucungo man ewacu kumae, Koiwinja, E Yuda, man wu ju m’ubedo i Yerusalem: wuyi Yehova Mungu mu, e wubicungo; wuyi jubila pare, e lembe mu bibedo miero.

2 Lemkei 32:21

E Yehova oro malaika, man ejigo wi dhanu ma tek ceke ma jurukara, ku jutelwic man jego, i kagonjo p’ubimo mir Ascur. Kum kumeno edok ku lewic mi wang’ i ng’om pare ma dhe. Man kan emondo i ot pa mungu pare, e ju ma giai kud i ie gire ginege keca ku palamularu.

Ezra 1:3

Ng’atu ma tek ni i kindwu mi dhanu pare ceke, Mungu pare bed kude, man wek eidh malu Yerusalem, ma ni i Yuda, man egom ot pa Yehova, Mungu mir Israel (en e Mungu), ma ni i Yerusalem.

Ezra 6:11

Atimo cik bende, nia ng’atu ma tek biloko lembe maeni, wek juwodh riu kud i ot pare woko, man wek juting’e malu juliere i wie; man wek ot pare dok ni udhuru weyo pi maeni:

Zaburi 103:20

Wumi mugisa ni Yehova, wu malaika pare, Wun ma wu tek i tego, ma wutimo lembe pare kakare, Ma wubewinjo badwal mi lembe pare.

Zaburi 147:11

Ju m’ulwore nyayu mutoro i Yehova, Ju m’ugeno mer mi bero pare.

Zaburi 33:18

Nen, wang’ Yehova ni wi ju m’ulwore, Wi ju m’ugeno mer mi bero pare;

Zaburi 33:21

Kum anyong’a binego adundewa ni kume, Kum wageno nyinge ma leng’.

Zaburi 34:22

Yehova waru ng’eyong’ec mi jutic pare; Man ng’atu moko mbe m’i kindgi m’upondo i bang’e ma jubigonjo.

Zaburi 62:8

Wugene i nindo ceke, wu dhanu; Wukonj adundewu woko i wang’e: Mungu en e kapondo iwa. [Sela.

Ai 20:5

kud irum piny i bang’gi, kadi kud itim igi; kum an a Yehova ma Mungu peri a Mungu ma janyeko, m’aketho dubo mi wego wi nyithindho, wi dhanum’utuk mir adege ku mir ang’wende mi ju m’udaga,

Isaya 12:2

Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

Isaya 37:36

E malaika pa Yehova wok woko, man egoyo dhanu rubanga dak acel ku pier abora wi abic i kagonjo mi Juascuri; man kinde ma dhanu ai pir kugweno, nen, maeni ceke gin avu.

Isaya 50:10

Ng’a m’i kindwu m’ulworo Yehova, m’uworo dwand jatic pare? ng’atu m’uwotho i mudho, man der umbe kude, wek egen nying’ Yehova, man ejeng’ kum Mungu pare.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 3:25

Eloko lembe man ewacu kumae, Nen, aneno dhanu ang’wen m’agonya, m’ubewotho i die mac, e gin moko timogi ngo; man ayi ng’atu mir ang’wende e calu wod mungu.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 6:16

E ubimo lund ung’olo, man jukelo Daniel, e gibole i odumvor. Nie ubimo yero man ewacu ni Daniel kumae, Mungu peri m’itimo ire thiri thiri, ebibodhi.

Daniel 6:26

Atimo cik, nia i bimobim ceke mi ker para kum dhanu miel man lworo neggi i wang’ Mungu pa Daniel; kum en e Mungu ma kwo, man ebedo tek mi nja, ker pare de en e ker ma binyothre ngo; bimobim pare de bibedo cil i kajikne.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Tic Mi Jukwenda 4:19

Ento Petro giku Yohana gidwoko lembe giwacu igi kumae, Tek en e atira i wang’ Mungu ya wawinj i beng’wu ma sagu ma ba Mungu, wupok wun:

Tic Mi Jukwenda 5:19

Ento malaika pa Rwoth uyabu dhugola mi odkol ku diewor, ewodhogi woko, man ewacu kumae,

Jurumi 12:1

Ka kumeno, umego, akwayuwu ku kisa pa Mungu, ya wuthier kumwu ubed ni lam ma kwo, ma leng’, ma yire ni Mungu, ma en e rwo mu mi tipo.

1 Jukorinto 13:3

Man tek awodho piny para ceke ya atung ko jucan, man tek amio kuma juwang’ awang’a, ento mer umbe kuda, meca eloko ira gin moko ngo.

Jufilipi 1:20

calku kur para ma ku cwinya ceke ku genogen para, kara lewic kud unega ni kum gin moko, ento nia ku tegocwiny ceke, calu ma thiri thiri, e kawono bende Kristu bidoko dwong’ ni kuma, kadok ku kwo, kadi ku tho.

Juebrania 1:14

Gin ceke gi tipo mi timotim ungo, ma juorogi ya gitim tic pi ju ma bicamu pacu mi bothi?

Juebrania 11:37

jucanyugi ku kidi, juthumo igi pu kud uligu, jubidhogi, junegogi ku palamularu: giwotho ku kendi mi lau rombe, ku mi lau diegi, gibedo jucan piny ma apila, gineno can, man jutimogi rac

1 Petro 1:21

wun ma wu juyic i Mungu ni kume, m’eketho ecer kud i kind ju m’utho, emio ire dwong’ de; kara yioyic mu ku genogen mu bed i Mungu.

Lembanyutha 12:11

Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho.