Daniel 3:20 - The Holy Bible In Alur (Lur) Revised Orthography

²⁰ Man eng’olo nia dhanu moko ma jutego ma kind njuru asikari pare gitwi Cadrak, ku Mecak, man Abed-nego, man gibolgi i majuka m’ubogre.

Daniel 3:20 ပူးပေါင်းရင်းမြစ်များ

Daniel 1:7

Man jego mi judongo ecaku nying’gi; pa Daniel ecaku Beltecazar; man pa Hanania ecaku Cadrak; man pa Micael ecaku Mecak; man pa Azaria ecaku Abed-nego.

Daniel 3:15

Nie tek wubedo ayika ya i nindo ma tek wuwinjo dwand agwara, kud ungbalu, ku dongo, kud usegu, ku nanga, kud adungu, ku ba gin ceke ma ywak, wupodho piny man wurwo ni ayi gin m’acwia m’atimo, dre: ento tek wurwo ngo, jubibolowu i saa nica i majuka m’ubogre; man mungu maeno en e ng’a ma bibodhowu kud i cinga?

Daniel 3:19

Kwinyo lund upong’o Nebukadnezar, man ayi wang’e lokre kum Cadrak, ku Mecak, man Abed-nego: ka kumeno eyero, man eng’olo ya juyik majuka wang’ abiro ma sagu kurane.

Daniel 3:21

Dhanu maeni julund jutwiogi ku kanzii migi, ku simisi migi, man bongu m’abola migi, ku kendi migi mange, man jubologi i majuka m’ubogre.

Tic Mi Jukwenda 16:23

E ka gigoyogi wang’ udul, gicwalugi i odkol, ging’olo ni jakur odkol ya ekurgi kr:

Tic Mi Jukwenda 16:25

Ento kinde ma piny udoko diewor ma ling’, nwang’u; Paolo giku Sila giberwo gibewero wer de ni Mungu, jukol de gibewinjogi;