Daniel 3:12 - The Holy Bible In Alur (Lur) Revised Orthography

¹² Juyahudi moko nuti m’iketho wi tic mi ng’etker mi Babeli: Cadrak, ku Mecak, man Abed-nego; dhanu maeni, E ubimo, giwori ngo: gitimo ni mungu peri ungo, kadi girwo de ngo ni ayi gin m’acwia mi mola ma kwar m’iketho cungo.

Daniel 3:12 ပူးပေါင်းရင်းမြစ်များ

Ester 3:8

Man Haman uwacu ni ubimo ma Ahasuerus kumae, Dhanu moko nuti m’ukethri mba mba ma julalu de i kind kodhidhanu mi ng’etker ceke mi ker peri; e cik migi tung’ ku maeno mi dhanu ceke; kadok cik p’ubimo de giworo ngo: ka kumeno en e kuloka ngo ni ubimo ya eyigi.

Lembrieko 27:4

Kwinyo bedo ku rop, man ng’ecwiny e dit; Ento ng’a ma copo cungo wang’ nyeko?

Eklizia 4:4

Alund aneno tic mi muli ceke man tic mi bodho ceke kubang’e kubang’e, nia dhanu nwang’u kumira pi maeni ni kum jadhugola pare. Maeni bende en e gin ma ie nanu man kethocwiny kum yamu.

Daniel 1:7

Man jego mi judongo ecaku nying’gi; pa Daniel ecaku Beltecazar; man pa Hanania ecaku Cadrak; man pa Micael ecaku Mecak; man pa Azaria ecaku Abed-nego.

Daniel 2:48

Ubimo lund udwoko Daniel dwong’, man emio ire giramia ma dit: dupa, man eketho ya ebim ng’etker mi Babeli nzu, man ebed jabim ma dit wi jurieko ceke mi Babeli.

Daniel 2:49

Man Daniel ukwayu ubimo, man eketho Cadrak, ku Mecak, man Abed-nego, wi tic mi ng’etker mi Babeli: ento Daniel ubedo dhugang’ p’ubimo.

Daniel 3:11

man ng’atu ma tek upodho piny ungo erwo de ngo, jubibole i majuka m’ubogre.

Daniel 3:16

Cadrak, man Mecak, kud Abed-nego, giloko lembe man giwacu ni ubimo kumae, E Nebukadnezar, can loko lembe iri kum lembe maeni negowa ngo.

Daniel 3:29

Ka kumeno atimo cik, nia ku ba kodhidhanu ceke, man thek ceke, ku dhok, ma biyero lem cac moko kum Mungu pa Cadrak, ku Mecak, man Abed-nego, jubithume nziki nziki, man udi migi jubidwoko ni udhuru mi weyo; kum mungu mange robe ma copo bodho calu maeni.

Daniel 3:30

Ubimo lund udodo Cadrak, ku Mecak, man Abed-nego i ng’etker mi Babeli.

Daniel 6:13

Gilund giloko lembe man giwacu i wang’ ubimo kumae, Daniel maeno, ma en e mi nyithindho mi ng’eca mi Yuda, ewori ngo, E ubimo, kadok cik m’igoro ayi i wie, ento epenjo penji pare wang’ adek ku ba ceng’.

Daniel 6:14

E kan ubimo winjo lembe maeni, eton i ie dit, man eketho adundene kum Daniel kara ebodhe; e etimo ma tek cil ma ceng’ upodho kara ebodhe.

Tic Mi Jukwenda 17:7

ma Yason ujologi; man joni ceke gitimo tung’ ku cik pa Kaisari, giwacu ya ubimo mange nuti, en e Yesu.

Tic Mi Jukwenda 5:28

ewacu kumae, Wang’olo iwu ma tek ya kud wuponj ku nying’ maeni: nen, wuromo Yerusalem ceke ku ponji mu, wuyenyo wukel rimb ng’atuno i wiwa de.