Daniel 3:1 - The Holy Bible In Alur (Lur) Revised Orthography

¹ Nebukadnezar m’ubimo timo ayi gin m’acwia mi mola ma kwar, ma kadongone bot pier abusiel, man kalacne bot abusiel: eketho ecungo i pambu mi Dura i ng’etker mi Babeli.

Daniel 3:1 ပူးပေါင်းရင်းမြစ်များ

1 Ubimo 12:28

Kum kumeno ubimo poro lembe, man etimo nyithi dhiang’ ario mi mola ma kwar; man ewacu igi kumae, Idho malu Yerusalem tek iwu: nen mungu peri, E Israel, m’ukeli malu kud i ng’om Misiri.

Ester 1:1

Nwang’u etimbre i ceng’ pa Ahasuerus (Ahasuerus maeni m’ucamu ker ugambre i India cil kum Kuc, wi ng’etker dak acel ku pier ario wi abiro),

Zaburi 135:15

Mungu m’araga mi thek gi mola ma tar ku mola ma kwar, En e tic m’i cing’ dhanu.

Ai 20:23

Kud wutim mungu mange karacelo kuda; mungu mi mola ma tar, kadi mungu mi mola ma kwar, kud wutim iwu.

Ai 32:31

E Musa dok ba Yehova, man ewacu kumae, A, dhanu maeni gidubo dubo ma dit, man gitimo igi mungu mi mola ma kwar.

Isaya 2:20

I ceng’ maeca dhanu bibayu mungu m’araga migi mi mola ma tar, man mungu m’araga migi mi mola ma kwar, ma jutimo kara girwo i bang’gi, ni vuyu man ni ulic;

Isaya 30:22

Man wubicido girauma peri mir ayi gin m’acwia mi mola ma tar m’ang’ika, man giramwona mir ayi gin m’acwia peri mi mola ma kwar m’atwaga; ibibayugi cen calu gin m’ucido; ibiwacu ire kumae, Ai kakeni.

Isaya 46:6

Wadi ju ma lalu mola ma kwar kud i usau, man ma poro mola ma tar i mukero, gigamu jabodho mi mola ma kwar ku sukulia, e etimo ni mungu; gipodho piny, eyo, girwo.

Yeremia 10:9

Mola ma tar ma jufodo ni atangla nuti, ma jukelo kud i Tarcic, man mola ma kwar kud i Ufaz, tic pa jabodho man m’i cing’ jathiedh mola ma kwar; m’ulweku man uluga mi kendi migi; kagi ceke gi tic mi jurieko.

Yeremia 16:20

Dhanu bitimo mungu ire gire, ma gi mungu ngo?

Daniel 2:48

Ubimo lund udwoko Daniel dwong’, man emio ire giramia ma dit: dupa, man eketho ya ebim ng’etker mi Babeli nzu, man ebed jabim ma dit wi jurieko ceke mi Babeli.

Daniel 2:49

Man Daniel ukwayu ubimo, man eketho Cadrak, ku Mecak, man Abed-nego, wi tic mi ng’etker mi Babeli: ento Daniel ubedo dhugang’ p’ubimo.

Daniel 3:14

Nebukadnezar uloko lembe man ewacu igi kumae, En e aka, E Cadrak, ku Mecak, man Abed-nego, nia wutimo ngo ni mungu para, kadi wurwo ngo ni ayi gin m’acwia mi mola ma kwar m’aketho cungo?

Daniel 3:30

Ubimo lund udodo Cadrak, ku Mecak, man Abed-nego i ng’etker mi Babeli.

Daniel 5:23

ento itingri giri kum Rwoth m’i polo; man gikelo agulu mi ot pare i weng’i, man in ku judongo peri, ku mon peri, man mon peri m’araga, gimadhu pigulok kud i igi; man ipaku mungu mi mola ma tar ku mola ma kwar, man mi mola, mi nyunyu, mi yen, man mi kidi, ma neno piny ungo, ma winjo de ngo, ma ng’eyo de ngo: man Mungu ma yuyo peri ni i cinge, man yo peri ceke pare, iyunge ngo.

Daniel 5:4

Gimadhu pigulok, man gipaku mungu mi mola ma kwar, ku mi mola ma tar, ku mi mola, man mi nyunyu, ku mi yen, man mi kidi.

Hoseya 2:8

Kum eng’eyo ngo nia amio ire cam, man pigulok ma nyasa, ku mo, man amedo ire mola ma tar ku mola ma kwar, ma gitimo ko ni Bal.

Hoseya 8:4

Giting’o ubimo malu, ento ku lembe para ngo: giketho judongomawijo, man ang’eyo ngo: gitimo mungu m’araga ku mola ma tar man mola ma kwar migi, kara jukabgi woko.

Habakuk 2:19

Can wi ng’atu m’uwacu ni yen kumae, Ceu: ni kidi ma weco ngo de kumae, Ai malu! Maeni biponjo? Nen, jumwone ku mola ma kwar man ku mola ma tar, e yuyo moko mbe i ie tak de.

Tic Mi Jukwenda 17:29

Ka kumeno tek wa nyikwai Mungu, maku ku wawac nia nyo Rucwic calu mola ma kwar, kadi mola ma tar, kadi kidi ma jung’iko ku bodho man ku rieko mi dhanu.

Tic Mi Jukwenda 19:26

Wuneno wuwinjo de, nia i Efeso kende ngo, ento cil i Asia ceke kpr kpr, Paolo maeni ethoko dhanu dupa man ewingogi, ewacu nia mungu ma juthiedho ku cing’ ya gi mungu ngo:

Poi Mi Cik 7:25

Ayi gin m’ang’ika mi mungu migi wuwang’ ku mac: kud iketh cwinyi kum mola ma tar kadi mola ma kwar ma ni i kumgi, kadi kud igame iri, imaru moko i ie i uwic; kum en e ginmajudagu ni Yehova Mungu peri.

Lembanyutha 9:20

Man dong’ dhanu m’udong’, ma junego ngo ku masendi maeni, giloko cwinygi ngo kum tic mi cing’gi, ya ku girwo ba pajogi, kud ayi gin m’acwia mi mola ma kwar, ku mi mola ma tar, ku mi mola, ku mi kidi, ku mi yen: ma kucop neno piny ungo, kadok awinja de giwinjo ngo, kadok awotha de giwotho ngo: