Daniel 2:48 - The Holy Bible In Alur (Lur) Revised Orthography

⁴⁸ Ubimo lund udwoko Daniel dwong’, man emio ire giramia ma dit: dupa, man eketho ya ebim ng’etker mi Babeli nzu, man ebed jabim ma dit wi jurieko ceke mi Babeli.

Daniel 2:48 ပူးပေါင်းရင်းမြစ်များ

2 Samwil 19:32

Nwang’u Barzilaine en e ng’atu m’uti dit, rundi pare doko pier abora: man eketho cemo wok ni ubimo kinde m’ebedo i Mahanaim; kum en e ng’atu ma dwong’ apila.

2 Ubimo 5:1

Nie Naman, ma jego mir udul p’ubimo mi Cami, en e ng’atu ma dit i wang’ rwoth pare, man mi yung, kum Yehova mio aloci ni Cami ni kume: en e ng’atu ma tek ma jarukara bende, ento en e won joi.

Kitabu Pa Yob 1:3

Lim pare bende rombe rubanga abiro, ku ngamia rubanga adek, man koni dhiang’ ma ku mberembere dak abic, man mege kana dak abic, ku juudi dit apila; ketho nia ng’atu maeni dit m’usagu nyithindho ma yo nyangu ceke.

Yeremia 5:5

abicidho ba dhanu ma dongo, man abiweco i bang’gi; kum ging’eyo yo pa Yehova, ku pokolembe pa Mungu migi. Ento maeni gituro mberembere, man gicodo twic ku cwinygi acel.

Daniel 2:6

Ento tek wutuco lekne ku there de, wubinwang’u giramia i bang’a ku sukulia man yung ma dit: ka kumeno wutuc ira lekne ku there de.

Daniel 3:1

Nebukadnezar m’ubimo timo ayi gin m’acwia mi mola ma kwar, ma kadongone bot pier abusiel, man kalacne bot abusiel: eketho ecungo i pambu mi Dura i ng’etker mi Babeli.

Daniel 3:12

Juyahudi moko nuti m’iketho wi tic mi ng’etker mi Babeli: Cadrak, ku Mecak, man Abed-nego; dhanu maeni, E ubimo, giwori ngo: gitimo ni mungu peri ungo, kadi girwo de ngo ni ayi gin m’acwia mi mola ma kwar m’iketho cungo.

Daniel 3:30

Ubimo lund udodo Cadrak, ku Mecak, man Abed-nego i ng’etker mi Babeli.

Daniel 4:6

Ka kumeno atimo cik kara akel jurieko ceke mi Babeli i bang’a, kara giketh ang’ei the lekne.

Daniel 4:9

E Beltecazar, jadit mi weg ajoga, kum ang’eyo nia tipo mi mungu ma leng’ ni ii, man lembamung’a moko mbe ma ng’abu cwinyi, yer ira ginmawokiwang’ mi lek para m’aneno, ku therene de.

Daniel 5:11

Ng’atu moko nuti i ker peri, ma tipo mi mungu ma leng’ ni i ie; man i nindo pa wuru der ku ng’eyothelembe ku rieko, calu rieko mi mungu, unwangre i ie; man ubimo ma Nebukadnezar ma wuru, ubimo, awacu, ma wuru, ekethe ni jadit mi weg ajoga, ku juwodhtho, ku Jukaldayo, man jubila;

Daniel 5:16

Ento awinjo piri, nia icopo ewo there, ku daru lembe ma jiji: nie tek icopo somo lembagorane, man iketho ang’ei there de, ibironjri kud uluga, man ibibedo ku thondh mola ma kwar i ng’uti, man ibibedo jabim mir adege i ker.

Daniel 5:29

Belcazar ulund ung’olo, man juronyo Daniel ku kendi m’uluga, man juketho nyoro mi mola ma kwar i ng’ute, man etimo lembang’ola pire, nia ebibedo jabim mir adege i ker.

Daniel 5:7

Ubimo kok ma tek ya jukel juwodhtho, ku Jukaldayo, man jubila. Ubimo yero man ewacu ni jurieko mi Babeli kumae, Ng’atu ma tek bisomo lembagora maeni, man eewo ira there de, ebironjre kud uluga, man ebibedo ku thondh mola ma kwar i ng’ute, man ebibedo jabim mir adege i ker.

Daniel 8:27

Man, an a Daniel, cwinya kadhu, man kuma bedo lith ceng’ moko; alund aai malu, man atimo tic p’ubimo: man ia pido kum ginmawokiwang’, ento ng’atu moko mbe m’ung’eyo there.

Kitabu Mir Ang’wende Pa Musa Wel 24:11

Ka kumeno kawono ring i kakeri: nwang’u ia wacu nia adodi ni yung ma dit; ento, nen, Yehova ceri ni yung.

1 Samwil 17:25

E dhanu mir Israel giwacu kumae, Wuneno ng’atu maeni m’uwodhre? ewodhre kara ecai Israel andha: man ebibedo, nia ng’atu m’unege, ubimo bilonye ku lonyo ma dit, man ebimio ire nyare, man ebiketho ot pa won ubed agonya i kind Israel.

1 Samwil 2:8

Eting’o jucan malu kud i utur, Eting’o ju ma can piny unegogi ku wi udhuru mi weyo, Kara gibed karacelo ku judongomawijo, Man gicam pacu mi komker mi dwong’: Kum mbegi m’i ng’om en e pa Yehova, Man eketho ng’om i wie.

1 Samwil 25:2

E ng’atu moko nuti i Maon, ma piny pore ni i Karmel; e ng’atuno dwong’ dit, man rombe pare rubanga adek, diegi pare ke rubanga acel: man ebenyaru yuk rombe i Karmel.