Daniel 2:47 - The Holy Bible In Alur (Lur) Revised Orthography

⁴⁷ Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 2:47 ပူးပေါင်းရင်းမြစ်များ

Thangambere 41:39

Man Farao wacu ni Yusuf kumae, Kum Mungu nyutho maeni ceke iri, ng’atu moko mbe ma pidoie cu ma riek de calu in:

2 Ubimo 5:15

E edwogo ba dhanu pa Mungu, en kud udul pare ceke, e ebino, man ecungo i wang’e; ewacu de kumae, Nen, kawono ang’eyo nia Mungu moko mbe i ng’om ceke, ndhu i kind Israel: ka kumeno kawono, akwei, gam giramia ba jatic peri.

Kitabu Pa Yob 12:19

Etelo wi julam ma juyakugi cen, Man eng’ielo jutego.

Zaburi 136:2

A wufoi Mungu mir udul mungu; Kum mer mi bero pare bedo mi nja.

Zaburi 136:3

A wufoi Rwoth mi rwodhi; Kum mer mi bero pare bedo mi nja:

Zaburi 72:11

Eyo, ju m’ubimo ceke bipodho piny i wang’e; Thek ceke bitimo ire.

Zaburi 82:1

Mungu cungo i cokri pa Mungu; Epoko lembe i kind udul mungu.

Zaburi 96:4

Kum Yehova e dwong’, man pak umake dit: Maku julwore ma sagu mungu ceke.

Ezekiel 26:7

Kum Rwoth Yehova wacu kumae, Nen, abikelo Nebukadrezar m’ubimo mi Babeli, en e ubimo mir ubimo, ku yor ariwa ma malu, karacelo ku riuni, man ku magali, ku weg riuni, ku njuru dhanu, ku dhanu ma dit, wi Turo.

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 2:19

E lembamung’ane lund unyuthre ni Daniel i ginmawokiwang’ ku diewor. Daniel ulund umio mugisa ni Mungu m’i polo.

Daniel 2:22

enyutho gin ma thuth ku gin m’amung’a; eng’eyo gin ma ni i mudho, man der ubedo kude.

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Daniel 2:29

man piri, E ubimo, pidoic peri wok ii wi kavuto peri, pi gin ma bitimbre ma cen; man ng’atu ma nyutho lembamung’a eketho ing’ei gin ma bitimbre.

Daniel 2:30

Ento pira, lembamung’a maeni nyuthre ira ngo, kum rieko moko m’abedo ko ma sagu jumange ma kwo, ento kara there ng’eire ni ubimo, man kara ing’ei pidoic mir adundeni.

Daniel 2:37

In, E ubimo, in i ubimo mi ju m’ubimo, ma Mungu m’i polo mio iri ker, ku tego, man tek, ku dwong’;

Daniel 3:15

Nie tek wubedo ayika ya i nindo ma tek wuwinjo dwand agwara, kud ungbalu, ku dongo, kud usegu, ku nanga, kud adungu, ku ba gin ceke ma ywak, wupodho piny man wurwo ni ayi gin m’acwia m’atimo, dre: ento tek wurwo ngo, jubibolowu i saa nica i majuka m’ubogre; man mungu maeno en e ng’a ma bibodhowu kud i cinga?

Daniel 3:28

Nebukadnezar uyero lembe man ewacu kumae, Mugisa bed ni Mungu pa Cadrak, ku Mecak, man Abed-nego, m’uoro malaika pare, man ebodho jutic pare m’ugene, man ethiro lem p’ubimo, man ewodho kumgi, kara ku gitim ni mungu mange kadok rwo ire de, ndhu ni Mungu migi ma dhe.

Daniel 3:29

Ka kumeno atimo cik, nia ku ba kodhidhanu ceke, man thek ceke, ku dhok, ma biyero lem cac moko kum Mungu pa Cadrak, ku Mecak, man Abed-nego, jubithume nziki nziki, man udi migi jubidwoko ni udhuru mi weyo; kum mungu mange robe ma copo bodho calu maeni.

Daniel 4:17

Lembapoka en e ni kum cik mi jukur, man lembakwaya en e ni kum lembe mi ju ma leng’; kara ju m’ubedo kwo ging’ei nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo, man eketho i wie ng’atu ma kite mbe i kind dhanu.

Daniel 4:25

nia jubi riemi woko ku kind dhanu, e kabedo peri bibedo karacelo ku yedi m’i thim, man jubiketho icamu lum calu koni dhiang’, man kumi bibedo ng’ic ku thoi m’i polo, e nindo abiro bikadhu i wii; maram ibing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 4:32

man jubiriemi ku kind dhanu; man kabedo peri bibedo karacelo ku yedi m’i thim; jubiketho icamu lum calu koni dhiang’; e nindo abiro bikadhu i wii; maram ing’eyo ko nia Ng’atu ma Malu Ngbir ubimo i ker mi dhanu, man emie ni ng’atu ma tek eyenyo.

Daniel 5:11

Ng’atu moko nuti i ker peri, ma tipo mi mungu ma leng’ ni i ie; man i nindo pa wuru der ku ng’eyothelembe ku rieko, calu rieko mi mungu, unwangre i ie; man ubimo ma Nebukadnezar ma wuru, ubimo, awacu, ma wuru, ekethe ni jadit mi weg ajoga, ku juwodhtho, ku Jukaldayo, man jubila;

Amos 3:7

Andha Rwoth Yehova bitimo gin moko ngo, tek k’enyutho lembamung’a pare ngo ni jutic pare ma jubila.

1 Jukorinto 14:25

lembamung’a mi cwinye de wok ka ma leng’; kum kumeno ebipodho piny i wang’e man ebirwo ni Mungu, m’ebiwacu ya Mungu ni i kindwu andha.

Poi Mi Cik 10:17

Kum Yehova Mungu mu, en e Mungu mi mungu, man Rwoth mi rwodhi, Mungu ma dwong’, ma jatego, man jang’oindiri, ma lworo wang’ dhanu ngo, kadi ma gamu jambng’om de ngo.

1 Timoteo 6:15

m’ebinyutho i rundi pare gire, ng’atu ma Acwic ma Jamugisa e kende, Ubimo ma wi ju m’ubimo bim, Rwoth mi rwodhi; kende

Yocuwa 22:22

Ng’atu ma Jatego, Mungu, Yehova, Ng’atu ma Jatego, Mungu, Yehova, eng’eyo; e Israel ebing’eyo: tek en e i jai, kadi tek en e i kier kum Yehova (kud ilarwa i ceng’ maeni),

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.