Daniel 2:45 - The Holy Bible In Alur (Lur) Revised Orthography

⁴⁵ Kum calu ineno ya kidi tongre kud i got ma ku cing’ ungo, man nia eturo nyunyu nziki nziki, man mola, kud ulobo, ku mola ma tar, man mola ma kwar; Mungu ma dwong’ uketho ubimo ng’ei gin ma bitimbre ma cen: man lekne en e andha, man tuco there de andha.

Daniel 2:45 ပူးပေါင်းရင်းမြစ်များ

Thangambere 41:26

Dhiang’ abiro ma ber gi rundi abiro; man anyogi abiro ma ber gi rundi abiro: lek en e acel.

Thangambere 41:28

Maeno gin m’ayero ni Farao: gin ma Mungu ni ceng’ni kutimo enyutho ni Farao.

Thangambere 41:32

Man kum lek pa Farao dwogo wang’ ario, en e kum Mungu ketho ginduni cungo, man fodi nyanok Mungu biketho etimbre.

2 Samwil 7:22

Kum kumeno in i dwong’, E Yehova Mungu: kum moko mbe ma calu in, kadok mungu mange de mbe ndhu in kendi, calku gin ceke ma wawinjo ku ithwa.

I Lemkei 16:25

Kum Yehova e dwong’, man maku jupake hai: Maku julwore bende ma sagu mungu ceke.

Nehemia 4:14

E aneno, man aai malu, e awacu ni weg yung’ man ni jubim, man ni dong’ dhanu m’udong’ kumae, Kud wulworgi: wupoi kum Rwoth, m’e dwong’ man jang’oi ndiri de, man wukied pi juwedu, man pi wotwu ku nyigwu, ku mondwu, man pi udi mu.

Nehemia 9:32

Ka kumeno kawono, Mungu mwa, ma dwong’, ma jatego, Mungu mi ndiri de, m’ugwoko lembariba ku mer mi bero, kud iyi can ceke nen nok i weng’i, m’uwok i kumwa, i kum ubimo mwa, i kum judongomawijo mwa, man i kum julam mwa, man i kum jubila mwa, man i kum wegwa, man i kum dhanu peri ceke, ugambre i nindo p’ubimo mir Ascur cil tin.

Kitabu Pa Yob 36:26

Nen, Mungu e dit, man wang’eye ngo; Wel rundi pare yenjre ngo.

Zaburi 135:5

Kum ang’eyo nia Yehova e dit, Man nia Rwoth mwa eni i wi mungu ceke.

Zaburi 145:3

Yehova e dwong’, man maku jupake dit; Man dwong’ pare yenjre ngo.

Zaburi 2:9

Ibiturogi ku dul mi nyunyu; Ibing’enyogi nziki nziki calu agulu pa jacwiagulu.

Zaburi 48:1

Yehova e dwong’, man e dit mir apaka, I adhura pa Mungu mwa, i got pare ma leng’.

Zaburi 96:4

Kum Yehova e dwong’, man pak umake dit: Maku julwore ma sagu mungu ceke.

Isaya 28:16

ka kumeno Rwoth Yehova wacu kumae, Nen, aketho kidi i Sayuni ni thepiny, kidi ma juponjo, kidi ma wi gui ma pire tek mi thepiny ma tek: ng’atu m’uyio bibedo vur vur ungo.

Daniel 2:24

Ka kumeno Daniel umondo bang’ Ariok, ma ubimo ketho ya enyoth jurieko mi Babeli; ecidho man ewacu ire kumae: Kud inyoth jurieko mi Babeli; tera i wang’ ubimo, man abiewo there ni ubimo.

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Daniel 2:29

man piri, E ubimo, pidoic peri wok ii wi kavuto peri, pi gin ma bitimbre ma cen; man ng’atu ma nyutho lembamung’a eketho ing’ei gin ma bitimbre.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 8:25

Man ni kum lembapida pare ebiketho abombi bed miero i cinge; man ebiyungre gire i adundene, man ebinyotho dupa i bedo migi ma museme: man ebicungo bende kum jaditmawijo mi judongomawijo; ento ebitur ma ku cing’ ungo.

Hagai 2:22

man abiredho komker mi ker; man abinyotho tego mi ker mi thek; man abiredho magali, ku ju m’uringo i igi; man riuni ku ju m’ubedo i wigi gibipodho piny, ng’atuman ku palamularu pa wadi.

Zekaria 12:3

Man ebitimbre i ceng’ maeca, nia abidwoko Yerusalem ni kidi mi ter ni kodhidhanu ceke; dhanu ceke m’uting’e ni ter igi gibinwang’u rem ma dit; man thek ceke mi ng’om bicokri karacelo i kume.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 21:24

E Yesu loko lembe, ewacu igi kumae, An bende abipenjowu ku penji acel, ma tek wuyero ira, an bende abiyero iwu pi ng’ol m’atimo ko gin maeni.

Matayo 24:35

Polo ku ng’om bikadhu woko, ento lembe para bikadhu woko ngo.

Luka 17:20

Ka Jufarisayo gipenje, nia ker pa Mungu bino awene, eloko lembe igi ewacu kumae, Ker pa Mungu bino ndem ndem ungo:

Poi Mi Cik 10:17

Kum Yehova Mungu mu, en e Mungu mi mungu, man Rwoth mi rwodhi, Mungu ma dwong’, ma jatego, man jang’oindiri, ma lworo wang’ dhanu ngo, kadi ma gamu jambng’om de ngo.

Lembanyutha 1:19

Ka kumeno kieu gin m’ineno man gin ma tic, ku gin ma bitimbre macen;

Lembanyutha 19:17

Man aneno malaika acel m’ucungo i ceng’; man ekok ku dwande ma dit, m’ewacu ni winyo ceke m’uringo kor polo kumae, Wubin wucokru karacelo ni cemo ma dwong’ mir uthieno pa Mungu;

Lembanyutha 4:1

Yo ng’ei gin maeni aneno, man nen, dhugola yabre i polo, e dwal ma kwong’a m’awinjo, dwalne calu mir agwara m’ubeweco kuda, acel m’ubewacu kumae, Idh malu kue, man abinyutho iri gin ma bikotimbre be macen.