Daniel 2:41 - The Holy Bible In Alur (Lur) Revised Orthography

⁴¹ Man calu ineno tielo ma nyono ng’om ku nyiglwet tielo, kume moko ulobo pa jacwiagulu, man kume moko mi nyunyu, ebibedo ker m’upokre; ento tego mi nyunyu bibedo i ie, kum ineno nyunyu m’ujebre kud ulobo ma foth.

Daniel 2:41 ပူးပေါင်းရင်းမြစ်များ

Daniel 2:40

Man ker mir ang’wende ke bibedo tek calu nyunyu, kum nyunyu turo nziki nziki man eloyo gin ceke; man calu nyunyu m’ung’inyo gin maeni ceke, ebituro nziki nziki man ebing’inyo.

Daniel 2:42

Man calu nyiglwet tielo kume moko nyunyu, man kume moko ulobo, kumeno ng’et ker moko bibedo tek, ng’ete moko bibedo ng’ic.

Daniel 7:24

Man pi tunge apar, en e ubimo apar ma biwok i ker maeni: man mange biwok yo ng’eigi; man ebibedo tung’ ku ma kwong’ane, man ebiredho ubimo adek.

Daniel 7:7

Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Lembanyutha 12:3

E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.

Lembanyutha 13:1

Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie.

Lembanyutha 17:12

Man tung apar m’ineno gin ubimo apar ma fodi gikujolo ker ungo; endre gijolo ng’ol calu ubimo, karacelo ku yedi, kind saa acel.