Daniel 2:40 - The Holy Bible In Alur (Lur) Revised Orthography

⁴⁰ Man ker mir ang’wende ke bibedo tek calu nyunyu, kum nyunyu turo nziki nziki man eloyo gin ceke; man calu nyunyu m’ung’inyo gin maeni ceke, ebituro nziki nziki man ebing’inyo.

Daniel 2:40 ပူးပေါင်းရင်းမြစ်များ

Kitabu Pa Yob 9:17

Kum ethora ku wavuvu, Man emedo lero para ma lembe mbe.

Yeremia 15:12

Ng’atu moko copo turo nyunyu, en e nyunyu m’uai yor ariwa ma malu, man mola?

Daniel 2:33

funde en e mi nyunyu, tiende ma nyono ng’om ke ng’ete kucel en e mi nyunyu, ng’ete kucel ke ulobo.

Daniel 2:39

Man yo ng’ei ker mange biwok ma rom kudi ngo; ku ker mange mir adege mi mola, ma bibimo wi ng’om yu.

Daniel 2:41

Man calu ineno tielo ma nyono ng’om ku nyiglwet tielo, kume moko ulobo pa jacwiagulu, man kume moko mi nyunyu, ebibedo ker m’upokre; ento tego mi nyunyu bibedo i ie, kum ineno nyunyu m’ujebre kud ulobo ma foth.

Daniel 7:7

Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Daniel 8:24

Man tego pare bibedo tek, ento ku tego pare gire ngo; man ebinyotho piny ma wang’u ijo, e lembe bibedo miero ire man ebitimo kayeny pare; man ebinyotho jutego ku dhanu ma leng’.

Daniel 9:26

Man yo ng’ei yenga pier abusiel wi arionde e ng’atu ma juwiro bithumbre woko, man ebibedo ku gin moko ngo: man dhanu pa jaditmawijone ma bibino gibinyotho adhura ku kamaleng’; e kajikne bibedo ku gin ma eoro piny, man ali bibedo nuti cil i kajikne; jukeco ya judwok piny ni uvuru.

Amos 1:3

Yehova wacu kumae: Mi gondri adek mi Dameski, eyo, mir ang’wen, abiloko masendine cen ungo; kum gifodo Gilead ku jamfodo mi nyunyu.

Yohana 11:48

Tek waweke kumeno, dhanu ceke biyio ire: Jurumi de bibino kabu kakawa woko ku thek mwa.